ਚੰਡੀਗੜ੍ਹ, 9ਫਰਵਰੀ ,ਬੋਲੇ ਪੰਜਾਬ ਬਿਊਰੋ :
ਵਿਸ਼ਵ ਪੰਜਾਬੀ ਕਾਂਗਰਸ ਲਾਹੌਰ ਜਿਸ ਦਾ ਪਿਛਲੇ ਦਿਨੀ ਪੁਨਰ ਗਠਨ ਕਰਦਿਆਂ ਚੇਅਰਮੈਨ ਜਨਾਬ ਫ਼ਖ਼ਰ ਜ਼ਮਾਨ ਨੇ ਡਾ: ਦੀਪਕ ਮਨਮੋਹਨ ਸਿੰਘ ਨੂੰ ਭਾਰਤੀ ਚੈਪਟਰ ਦਾ ਪ੍ਰਧਾਨ ਅਤੇ ਉੱਘੇ ਕਵੀ ਸਹਿਜਪ੍ਰੀਤ ਸਿੰਘ ਮਾਂਗਟ ਨੂੰ ਸਕੱਤਰ ਜਨਰਲ ਅਤੇ ਚੀਫ਼ ਕੋਆਰਡੀਨੇਟਰ ਬਣਾਇਆ ਸੀ ਅਤੇ ਬਾਕੀ ਅਹੁਦੇਦਾਰਾਂ ਨੂੰ ਨਿਯੁਕਤ ਕਰਨ ਦੇ ਅਧਿਕਾਰ ਪ੍ਰਧਾਨ ਅਤੇ ਸਕੱਤਰ ਜਨਰਲ ਨੂੰ ਦੇ ਦਿੱਤੇ ਸਨ। ਅੱਜ ਆਪਸੀ ਸਲਾਹ ਮਸ਼ਵਰੇ ਤੋਂ ਬਾਅਦ ਭਾਰਤੀ ਇਕਾਈ ਦਾ ਮੁਕੰਮਲ ਗਠਨ ਕਰ ਦਿੱਤਾ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸਕੱਤਰ ਜਨਰਲ ਸਹਿਜਪ੍ਰੀਤ ਸਿੰਘ ਮਾਂਗਟ ਨੇ ਦੱਸਿਆ ਕਿ ਉੱਘੇ ਕਵੀ ਗੁਰਭਜਨ ਗਿੱਲ ਅਤੇ ਸਾਬਕਾ ਰਜਿਸਟਰਾਰ ਡਾ ਸ਼ਿੰਦਰਪਾਲ ਸਿੰਘ ਨੂੰ ਸੀਨੀਅਰ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ।ਸ਼੍ਰੋਮਣੀ ਪੰਜਾਬੀ ਕਾਵਿ ਦਰਸ਼ਨ ਸਿੰਘ ਬੁੱਟਰ, ਮੁਕਤਸਰ ਸਾਹਿਬ ਤੋਂ ਪ੍ਰਿੰਸੀਪਲ ਡਾ ਤਰਲੋਕ ਬੰਧੂ, ਪੰਜਾਬ ਯੂਨੀਵਰਸਟੀ ਤੋਂ ਸੀਨੀਅਰ ਪ੍ਰੋਫੈਸਰ ਤੇ ਉੱਘੇ ਚਿੰਤਕ ਡਾ ਖਾਲਿਦ ਮੁਹੰਮਦ ਅਤੇ ਜਲੰਧਰ ਤੋਂ ਡਾ ਨਵਰੂਪ ਕੌਰ ਨੂੰ ਸੰਸਥਾ ਦਾ ਮੀਤ ਪ੍ਰਧਾਨ ਬਣਾਇਆ ਗਿਆ ਹੈ। ਲੁਧਿਆਣਾ ਵਿਖੇ ਨਗਰ ਨਿਗਮ ਵਿਚ ਤਾਇਨਾਤ ਸਹਾਇਕ ਕਮਿਸ਼ਨਰ ਜਸਦੇਵ ਸਿੰਘ ਸੇਖੋਂ ਖ਼ਜਾਨਚੀ ਹੋਣਗੇ ਅਤੇ ਸੀਮਾ ਗਰੇਵਾਲ ਉਨ੍ਹਾਂ ਦੇ ਸਹਾਇਕ ਹੋਣਗੇ।
ਇਸੇ ਤਰ੍ਹਾਂ ਡਾ ਸੁਰਿੰਦਰ ਸਿੰਘ ਸੰਘਾ ਪ੍ਰਿੰਸੀਪਲ ਦਸ਼ਮੇਸ਼ ਕਾਲਜ ਆਫ ਐਜੂਕੇਸ਼ਨ ਬਾਦਲ, ਕਮਲ ਪ੍ਰੀਤ ਕੌਰ ਦੋਸਾਂਝ ਅਤੇ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਪੰਜਾਬੀ ਵਿਭਾਗ ਤੋਂ ਡਾਃ ਪਰਮਜੀਤ ਕੌਰ ਸਿੱਧੂ ਜਥੇਬੰਦਕ ਸਕੱਤਰ ਹੋਣਗੇ। ਡਾਃ ਭੀਮਇੰਦਰ ਸਿੰਘ ਮੁਖੀ ਪੰਜਾਬੀ ਵਿਭਾਗ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ, ਗੁਰਪ੍ਰਵੀਨ ਕੌਰ ਅਤੇ ਡਾ ਜਸਵਿੰਦਰ ਸਿੰਘ ਖੁਣ ਖੁਣ ਸਕੱਤਰ ਹੋਣਗੇ। ਉੱਘੇ ਵਕੀਲ ਮਨਜੀਤ ਸਿੰਘ ਖ਼ੈਰਾ ਗੁਰਭੇਜ ਸਿੰਘ ਗੁਰਾਇਆ ਪਰਮਿੰਦਰ ਸਿੰਘ ਗਿੱਲ ਅਤੇ ਦਲਜੀਤ ਸਿੰਘ ਸਾਹੀ ਕਾਨੂੰਨੀ ਸਲਾਹਕਾਰ ਹੋਣਗੇ ਜਦੋਂ ਕਿ ਪ੍ਰੈਸ ਦੀ ਜਿੰਮੇਵਾਰੀ ਨਵਦੀਪ ਸਿੰਘ ਗਿੱਲ, ਡਾ ਜਗਤਾਰ ਧੀਮਾਨ ਜਗਤਾਰ ਸਿੰਘ ਭੁੱਲਰ ਅਤੇ ਸ਼ਾਇਦਾ ਬਾਨੋ ਨੂੰ ਦਿੱਤੀ ਗਈ ਹੈ। ਡਾ ਸੁਖਬੀਰ ਕੌਰ ਮਾਹਲ ਡਾ ਸੁਨੀਤਾ ਧੀਰ, ਡੌਲੀ ਗੁਲੇਰੀਆ, ਡਾ ਪਾਲ ਕੌਰ, ਡਾ ਰਵੀ ਰਵਿੰਦਰ,ਖਾਲਿਦ ਹੁਸੈਨ ਕੰਵਰ ਜਸਵਿੰਦਰਪਾਲ ਸਿੰਘ, ਡਾ ਗੁਰਇਕਬਾਲ ਸਿੰਘ,ਸਤੀਸ਼ ਗੁਲਾਟੀ,ਗੁਰਰਾਜ ਸਿੰਘ ਚਾਹਲ ਬੀਬਾ ਬਲਵੰਤ, ਸੁਨੀਲ ਕਟਾਰੀਆ, ਡਾਃ ਸਰਘੀ, ਗੁਰਬੀਰ ਬਰਾੜ, ਤ੍ਰੈਲੋਚਨ ਲੋਚੀ ਅਤੇ ਗੁਰਚਰਨ ਕੌਰ ਕੋਚਰ ਕਾਰਜਕਾਰਨੀ ਦੇ ਮੈਂਬਰ ਹੋਣਗੇ।
ਉਪਰੋਕਤ ਤੋਂ ਇਲਾਵਾ ਸੰਸਥਾ ਨੂੰ ਸਹਿਯੋਗ ਅਤੇ ਸਲਾਹ ਦੇਣ ਲਈ ਇੱਕ ਸਲਾਹਕਾਰ ਬੋਰਡ ਦਾ ਗਠਨ ਕੀਤਾ ਗਿਆ ਹੈ ਜਿਸ ਵਿਚ ਮਨਮੋਹਨ, ਅਸ਼ੋਕ ਗੁਪਤਾ, ਡੀ ਐਸ ਸਰੋਇਆ, ਕਾਹਨ ਸਿੰਘ ਪੰਨੂ,ਸਤਨਾਮ ਮਾਣਕ, ਡਾ ਸਰਬਜਿੰਦਰ ਸਿੰਘ, ਅੰਮ੍ਰਿਤ ਕੌਰ ਗਿੱਲ, ਪੰਮੀ ਬਾਈ,ਸੁਖੀ ਬਰਾੜ, ਜੇ ਬੀ ਗੋਇਲ, ਗੁਰਪ੍ਰੀਤ ਸਿੰਘ ਤੂਰ, ਮਾਧਵੀ ਕਟਾਰੀਆ ਅਤੇ ਜਸਵੰਤ ਸਿੰਘ ਜ਼ਫਰ ਸਲਾਹਕਾਰ ਹੋਣਗੇ। ਸਹਿਜਪ੍ਰੀਤ ਸਿੰਘ ਮਾਂਗਟ ਨੇ ਦੱਸਿਆ ਕੇ ਉਪਰੋਕਤ ਅਹੁਦੇਦਾਰਾਂ ਦਾ ਕਾਰਜਕਾਲ 2 ਸਾਲ ਲਈ ਹੋਵੇਗਾ ਅਤੇ 2 ਸਾਲ ਬਾਅਦ ਨਵੀਂ ਟੀਮ ਦੀ ਨਿਯੁਕਤੀ ਕੀਤੀ ਜਾਵੇਗੀ ਅਤੇ ਵਿਸ਼ਵ ਪੰਜਾਬੀ ਕਾਂਗਰਸ ਦੇ ਭਾਰਤੀ ਚੈਪਟਰ ਦਾ ਮੁਖ ਦਫਤਰ ਲੁਧਿਆਣਾ ਵਿਖੇ ਹੋਵੇਗਾ।
