ਇੰਦੌਰ, 7 ਫ਼ਰਵਰੀ,ਬੋਲੇ ਪੰਜਾਬ ਬਿਊਰੋ :
ਇੰਦੌਰ ਦੇ ਨਜ਼ਦੀਕ ਮਾਨਪੁਰ ਦੇ ਭੈਰਵ ਘਾਟ ਵਿੱਚ ਅੱਜ ਸ਼ੁੱਕਰਵਾਰ ਸਵੇਰੇ ਸੜਕ ਹਾਦਸੇ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ 17 ਤੋਂ ਵੱਧ ਲੋਕ ਜਖ਼ਮੀ ਹੋ ਗਏ। ਕੁਝ ਜਖ਼ਮੀਆਂ ਦੀ ਹਾਲਤ ਗੰਭੀਰ ਹੈ। ਹਾਦਸਾ ਟੈਂਪੂ ਟ੍ਰੈਵਲਰ ਅਤੇ ਟੈਂਕਰ ਦੇ ਟਕਰਾਉਣ ਕਾਰਨ ਵਾਪਰਿਆ। ਟ੍ਰੈਵਲਰ ਵਿੱਚ ਸਵਾਰ ਯਾਤਰੀ ਮਹਾਕਾਲ ਦਰਸ਼ਨ ਕਰਕੇ ਕਰਨਾਟਕ ਵਾਪਸ ਜਾ ਰਹੇ ਸਨ। ਹਾਦਸੇ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਵਿੱਚੋਂ ਦੋ ਕਰਨਾਟਕ ਦੇ ਰਹਿਣ ਵਾਲੇ ਦੱਸੇ ਗਏ ਹਨ।
ਪੁਲਿਸ ਅਨੁਸਾਰ ਇਹ ਹਾਦਸਾ ਅੱਜ ਸ਼ੁੱਕਰਵਾਰ ਨੂੰ ਵਾਪਰਿਆ। ਤੇਜ਼ ਰਫਤਾਰ ਨਾਲ ਆ ਰਹੇ ਟ੍ਰੈਵਲਰ ਵਾਹਨ ਨੇ ਪਹਿਲਾਂ ਦੋ ਬਾਈਕ ਸਵਾਰ ਨੌਜਵਾਨਾਂ ਨੂੰ ਟੱਕਰ ਮਾਰੀ। ਇਸ ਤੋਂ ਬਾਅਦ ਉਹ ਟੈਂਕਰ ਨਾਲ ਜਾ ਟਕਰਾਇਆ। ਟੱਕਰ ਦੇ ਕਾਰਨ ਬਾਈਕ ਸਵਾਰ ਨੌਜਵਾਨ ਹਵਾ ਵਿੱਚ ਉੱਡ ਕੇ ਦੂਰ ਜਾ ਡਿੱਗੇ ਅਤੇ ਥਾਂ ‘ਤੇ ਹੀ ਉਨ੍ਹਾਂ ਦੀ ਮੌਤ ਹੋ ਗਈ, ਜਦਕਿ ਟ੍ਰੈਵਲਰ ਵਿੱਚ ਬੈਠੀਆਂ ਦੋ ਮਹਿਲਾਵਾਂ ਦੀ ਵੀ ਮੌਤ ਹੋ ਗਈ। ਟ੍ਰੈਵਲਰ ਵਿੱਚ ਸਾਰੇ ਯਾਤਰੀ ਕਰਨਾਟਕ ਦੇ ਰਹਿਣ ਵਾਲੇ ਹਨ। ਉਹ ਉੱਜੈਨ ਵਿੱਚ ਮਹਾਕਾਲ ਦੇ ਦਰਸ਼ਨ ਕਰਕੇ ਵਾਪਸ ਆ ਰਹੇ ਸਨ। ਹਾਦਸਾ ਮਾਨਪੁਰ ਦੇ ਭੈਰਵ ਘਾਟ ਵਿੱਚ ਵਾਪਰਿਆ। ਟ੍ਰੈਵਲਰ ਵਿੱਚ ਬੈਠੇ ਹੋਰ ਯਾਤਰੀਆਂ ਨੂੰ ਵੀ ਗੰਭੀਰ ਸੱਟਾਂ ਆਈਆਂ ਹਨ। ਉਨ੍ਹਾਂ ਨੂੰ ਇੰਦੌਰ ਦੇ ਐਮਵਾਈ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।
