ਨਵੀਂ ਦਿੱਲੀ, 5 ਫਰਵਰੀ,ਬੋਲੇ ਪੰਜਾਬ ਬਿਊਰੋ :
ਦਿੱਲੀ ਵਿਧਾਨ ਸਭਾ ਦੀਆਂ ਸਾਰੀਆਂ 70 ਸੀਟਾਂ ਲਈ ਅੱਜ ਬੁੱਧਵਾਰ ਸਵੇਰੇ ਸੱਤ ਵਜੇ ਤੋਂ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਦੇ ਵਿਚਕਾਰ ਮਤਦਾਨ ਸ਼ੁਰੂ ਹੋ ਗਿਆ ਹੈ ਅਤੇ ਇਹ ਮਤਦਾਨ ਸ਼ਾਮ ਪੰਜ ਵਜੇ ਤੱਕ ਚੱਲੇਗਾ।
ਦਿੱਲੀ ਵਿਧਾਨ ਸਭਾ ਚੋਣ ਦੇ ਨਾਲ-ਨਾਲ ਦੋ ਰਾਜਾਂ ਦੀਆਂ ਦੋ ਵਿਧਾਨ ਸਭਾ ਸੀਟਾਂ ’ਤੇ ਉਪਚੋਣਾਂ ਵੀ ਅੱਜ ਕਰਵਾਈਆਂ ਜਾ ਰਹੀਆਂ ਹਨ। ਤਮਿਲਨਾਡੂ ਦੀ ਈਰੋਡ ਅਤੇ ਉੱਤਰ ਪ੍ਰਦੇਸ਼ ਦੀ ਮਿਲਕੀਪੁਰ ਵਿਧਾਨ ਸਭਾ ਸੀਟ ’ਤੇ ਵੀ ਮਤਦਾਨ ਸਵੇਰੇ ਸੱਤ ਵਜੇ ਤੋਂ ਸ਼ੁਰੂ ਹੋ ਗਿਆ ਹੈ। ਈਰੋਡ ਦੇ ਵਿਧਾਇਕ ਈਵੀਕੇਐਸ ਐਲਨਗੋਵਨ ਦੇ ਦੇਹਾਂਤ ਅਤੇ ਅਯੋਧਿਆ ਦੇ ਮਿਲਕੀਪੁਰ ਦੇ ਵਿਧਾਇਕ ਅਵਧੇਸ਼ ਪ੍ਰਸਾਦ ਦੇ ਅਸਤੀਫਾ ਦੇਣ ਕਾਰਨ ਇਹ ਦੋਵਾਂ ਸੀਟਾਂ ਖਾਲੀ ਹੋਈਆਂ ਸਨ।
