ਬਰੈਂਪਟਨ, 31 ਜਨਵਰੀ,ਬੋਲੇ ਪੰਜਾਬ ਬਿਊਰੋ :
ਬਰੈਂਪਟਨ ਸ਼ਹਿਰ ਦੇ ਮਕਾਨ ਮਾਲਕਾਂ ਨੂੰ ਹੁਣ ਭੀੜ-ਭੜੱਕੇ ਵਾਲੇ ਕਿਰਾਏ ਦੇ ਮਕਾਨਾਂ ਜਾਂ ਬੇਸਮੈਂਟਾਂ ਵਿੱਚ ਬਹੁਤ ਜ਼ਿਆਦਾ ਲੋਕਾਂ ਨੂੰ ਰੱਖਣ ਉਤੇ $1,000 ਤੱਕ ਦਾ ਜੁਰਮਾਨਾ ਲਗਾਇਆ ਜਾਵੇਗਾ। ਸਿਟੀ ਵੱਲੋਂ ਜਾਰੀ 311 ਨੰਬਰ ਤੇ ਸ਼ਿਕਾਇਤਾਂ ਦਰਜ ਕਰਾਈਆਂ ਜਾ ਸਕਦੀਆਂ ਹਨ ।ਨਵੇਂ, ਮਹਿੰਗੇ ਜੁਰਮਾਨੇ ਬ੍ਰੈਂਪਟਨ ਦੇ ਜਾਇਦਾਦ ਦੇ ਮਿਆਰਾਂ ਅਤੇ ਗੈਰ-ਪਾਰਕਿੰਗ ਜੁਰਮਾਨਾ ਉਪ-ਨਿਯਮਾਂ ਦੇ ਅਪਡੇਟਾਂ ਦਾ ਹਿੱਸਾ ਹਨ। ਜਿਨ੍ਹਾਂ ਦਾ ਉਦੇਸ਼ ਸ਼ਹਿਰ ਭਰ ਵਿੱਚ “ਭੀੜ” ਅਤੇ “ਬਹੁਤ ਜ਼ਿਆਦਾ ਸਬ-ਲੇਟਿੰਗ” ਦੇ ਮਾਮਲਿਆਂ ਨੂੰ ਘਟਾਉਣਾ ਹੈ।
ਇਸ ਦੇ ਲਾਗੂ ਹੋਣ ਨਾਲ ਸਿਰਫ ਕਿਰਾਏ ‘ਤੇ ਦਿੱਤੀ ਪ੍ਰਾਪਰਟੀ ਲੀਜ਼ ਵਿੱਚ ਸ਼ਾਮਲ ਲੋਕ ਰਹਿ ਸਕਦੇ ਹਨ। ਲੀਜ਼ ਕੀਤੇ ਘਰ ਜਾਂ ਬੈਸਮਿੰਟ ਨੂੰ ਸਬ ਲੀਜ ਨਹੀਂ ਕਰ ਸਕਦੇ ।ਸਿਟੀ ਵੱਲੋਂ ਵਿਭਾਗ ਦੇ ਲੋਕ ਸਕਾਇਤ ਹੋਣ ਤੇ ਕਿਸੇ ਸਮੇਂ ਵੀ ਛਾਪਾ ਮਾਰ ਸਕਦੇ ਹਨ।ਬੀਤੇ ਵਿੱਚ ਮਕਾਨ ਮਾਲਕਾਂ ਤੇ ਕਿਰਾਏਦਾਰਾਂ ਵੱਲੋਂ ਵੱਡੀ ਗਿਣਤੀ ਵਿੱਚ ਇਸਦੀ ਨਾਜਾਇਜ਼ ਦੁਰਵਰਤੋਂ ਕਰਨ ਦੀਆਂ ਸ਼ਿਕਾਇਤਾਂ ਮਿਲੀਆਂ ਸਨ।
