ਕੁੰਬੜਾ ਵਿਖੇ ਲਾਇਨਜ ਕਲੱਬ ਪੰਚਕੂਲਾ ਪ੍ਰੀਮੀਅਰ ਵੱਲੋਂ ਖੋਲਿਆ ਗਿਆ ਦੂਸਰਾ ਸਿਲਾਈ ਸੈਂਟਰ
ਦੋ ਜਣਿਆਂ ਨੂੰ ਦਿੱਤੇ ਗਏ ਟਰਾਈਸਾਈਕਲ
ਮੋਹਾਲੀ 25 ਜਨਵਰੀ,ਬੋਲੇ ਪੰਜਾਬ ਬਿਊਰੋ :
ਜੇ.ਐਲ.ਪੀ.ਐਲ. ਅਤੇ ਲਾਇਨਜ ਕਲੱਬ ਪੰਚਕੁਲਾ ਪ੍ਰੀਮੀਅਮ ਦੀ ਤਰਫੋਂ ਪਿੰਡ ਕੁੰਬੜਾ ਵਿਖੇ ਦੂਸਰਾ ਜੇ. ਐਲ.ਪੀ.ਐਲ.- ਸਿਲਾਈ ਹੁਨਰ ਵਿਕਾਸ ਸੈਂਟਰ ਖੋਲਿਆ ਗਿਆ। ਜਿਸਦਾ ਉਦਘਾਟਨ ਅੱਜ ਹਲਕਾ ਵਿਧਾਇਕ ਕੁਲਵੰਤ ਸਿੰਘ ਵੱਲੋਂ ਲਾਇਨਜ ਸਤਿੰਦਰ ਸਿੰਘ ਭਵਰਾ ਦੀ ਮੌਜੂਦਗੀ ਵਿੱਚ ਕੀਤਾ ਗਿਆ। ਇਸ ਮੌਕੇ ਤੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਵਿਧਾਇਕ ਕੁਲਵੰਤ ਸਿੰਘ ਹੋਰਾਂ ਕਿਹਾ ਕਿ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਔਰਤਾਂ ਨੂੰ ਆਤਮ ਨਿਰਭਰ ਬਣਾਉਣ ਦੇ ਲਈ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ ਅਤੇ ਇਸ ਸਿਲਾਈ ਦੀ ਸਿਖਲਾਈ ਸਬੰਧੀ ਖੋਲੇ ਗਏ ਸੈਂਟਰ ਨਾਲ ਲੜਕੀਆਂ ਆਤਮ ਨਿਰਭਰ ਬਣਨਗੀਆਂ ਅਤੇ ਇਹ ਉਹਨਾਂ ਨੂੰ ਚਿਰ ਸਥਾਈ ਰੁਜ਼ਗਾਰ ਮਿਲੇਗਾ। ਉਹਨਾਂ ਕਿਹਾ ਕਿ ਉਹ ਇਹਨਾਂ ਦੁਆਰਾ ਤਿਆਰ ਕੀਤੇ ਗਏ ਕੱਪੜੇ ਦੀ ਅਗਾਂਹ ਜਾ ਕੇ ਮਾਰਕੀਟਿੰਗ ਵੀ ਕਰਨਗੇ ਅਤੇ ਜੋ ਵੀ ਲੋੜਵੰਦ ਲੜਕੀਆਂ ਸਿਲਾਈ ਮਸ਼ੀਨ ਚਾਹੁਣਗੀਆਂ ਉਹਨਾਂ ਨੂੰ ਘਰ ਵਾਸਤੇ ਸਿਲਾਈ ਮਸ਼ੀਨ ਵੀ ਦਿੱਤੀ ਜਾਵੇਗੀ।
ਲਾਇਨਜ ਕਲੱਬ ਪੰਚਕੁਲਾ ਪ੍ਰੀਮੀਅਰ ਦੀ ਤਰਫੋਂ ਪਹਿਲਾਂ ਵੀ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਹਮੇਸ਼ਾ ਹੀ ਮੋਹਰੀ ਭੂਮਿਕਾ ਨਿਭਾਈ ਜਾਂਦੀ ਹੈ ਅਤੇ ਅੱਜ ਕੁੰਬੜਾ ਵਿਖੇ ਕੁੜੀਆਂ ਨੂੰ ਆਤਮ ਨਿਰਭਰ ਬਣਾਉਣ ਦੇ ਲਈ ਸਿਲਾਈ ਹੁਨਰ ਵਿਕਾਸ ਸੈਂਟਰ ਖੋਲਿਆ ਗਿਆ ਹੈ। ਜਿਸ ਤੋਂ ਇਲਾਕੇ ਦੀਆਂ ਲੜਕੀਆਂ ਸਿਲਾਈ ਦਾ ਹੁਨਰ ਸਿੱਖ ਕੇ ਆਤਮ ਨਿਰਭਰ ਬਣ ਸਕਣਗੀਆਂ। ਅੱਜ ਇਹਨਾਂ ਲੜਕੀਆਂ ਦੇ ਲਈ 24 ਮਸ਼ੀਨਾਂ ਇਸ ਸੈਂਟਰ ਵਿੱਚ ਰੱਖੀਆਂ ਗਈਆਂ ਹਨ ਤਾਂ ਕਿ ਵੱਧ ਤੋਂ ਵੱਧ ਲੜਕੀਆਂ ਗਰੁੱਪਾਂ ਦੇ ਵਿੱਚ ਸਿਲਾਈ ਦਾ ਹੁਨਰ ਪ੍ਰਾਪਤ ਕਰ ਸਕਣ ਅਤੇ ਅਗਾਂਹ ਜਾ ਕੇ ਆਪੋ-ਆਪਣੇ ਪੱਧਰ ਤੇ ਸਿਲਾਈ ਦੇ ਕੰਮ ਵਿੱਚ ਮੁਹਾਰਤ ਹਾਸਲ ਕਰਨ ਤੋਂ ਬਾਅਦ ਆਪੋ-ਆਪਣੇ ਪੱਧਰ ਤੇ ਸਿਲਾਈ ਦਾ ਕੰਮ ਕਰਕੇ ਆਪਣੀ ਅਤੇ ਆਪਣੇ ਪਰਿਵਾਰ ਦੀ ਆਰਥਿਕ ਤੌਰ ਤੇ ਸਹਾਇਤਾ ਕਰ ਸਕਣ। ਵਿਧਾਇਕ ਕੁਲਵੰਤ ਸਿੰਘ ਹੋਰਾਂ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਲਾਇਨਜ ਕਲੱਬ ਦੇ ਸਾਰੇ ਮੈਂਬਰ ਅਤੇ ਅਹੁਦੇਦਾਰ ਇਸ ਗੱਲ ਦੇ ਲਈ ਵਧਾਈ ਦੇ ਪਾਤਰ ਹਨ ਕਿ ਉਹ ਲੜਕੀਆਂ ਨੂੰ ਆਤਮ ਨਿਰਭਰ ਬਣਾਉਣ ਦੇ ਲਈ ਆਪਣੇ ਵੱਲੋਂ ਸਾਰਥਿਕ ਉਪਰਾਲੇ ਕਰਦੇ ਰਹਿੰਦੇ ਹਨ। ਉਹਨਾਂ ਕਿਹਾ ਕਿ ਲਾਇਨਜ ਕਲੱਬ ਪੰਚਕੁਲਾ ਪ੍ਰੀਮੀਅਰ ਨੂੰ ਸਰਕਾਰ ਵੱਲੋਂ ਹਰ ਸੰਭਵ ਮਦਦ ਕੀਤੀ ਜਾਵੇਗੀ ਅਤੇ ਅਜਿਹੇ ਸੈਂਟਰ ਹੋਰਨਾ ਥਾਵਾਂ ਤੇ ਖੋਲਣ ਦੇ ਲਈ ਅਗਾਂਹ ਵੀ ਯਤਨ ਜਾਰੀ ਰਹਿਣਗੇ।
ਇਸ ਮੌਕੇ ਤੇ ਰਮਨਪ੍ਰੀਤ ਕੌਰ, ਐਮ.ਸੀ. ਕੁੰਬੜਾ,ਹਰਮੇਸ਼ ਸਿੰਘ ਕੁੰਬੜਾ,ਮਾਸਟਰ ਭੁਪਿੰਦਰ ਸਿੰਘ,
ਗਗਨਦੀਪ ਸਿੰਘ ਨੰਬਰਦਾਰ,
ਹਰਬਿੰਦਰ ਸਿੰਘ ਸੈਣੀ,ਰਣਦੀਪ ਸਿੰਘ ਮਟੌਰ,ਰਜੀਵ ਵਸ਼ਿਸ਼ਟ,
ਜਸਪਾਲ ਸਿੰਘ ਮਟੌਰ,
ਆਰ.ਪੀ.ਸ਼ਰਮਾ,ਡਾ. ਕੁਲਦੀਪ ਸਿੰਘ,ਅਕਬਿੰਦਰ ਸਿੰਘ ਗੋਸਲ,
ਹਰਪਾਲ ਸਿੰਘ ਚੰਨਾ,ਹਰਪਾਲ ਸਿੰਘ ਬਰਾੜਫ,ਗੁਰਪਾਲ ਸਿੰਘ ਗਰੇਵਾਲ,
ਬੰਤ ਸਿੰਘ ਸੋਹਾਣਾ,ਗੁਰਪ੍ਰੀਤ ਸਿੰਘ ਕੁਰੜਾ,ਬੀਬੀ ਕਸ਼ਮੀਰ ਕੌਰ,
ਜਸਬੀਰ ਕੌਰ ਅਤਲੀ,ਸਵਿਤਾ ਪ੍ਰਿੰਜਾ,ਅਵਤਾਰ ਸਿੰਘ ਸਰਪੰਚ ਮੌਲੀ,
ਅਰੁਣ ਗੋਇਲ,ਗੁਰਸੇਵਕ ਸਿੰਘ ਸਰਪੰਚ ਮੌਲੀ ਬੈਦਵਾਣ,ਨਿਰਮੈਲ ਸਿੰਘ ਸਨੇਟਾ,ਕੁਲਵੰਤ ਸਿੰਘ,
ਡਾ. ਐਸ.ਐਸ. ਭੰਵਰਾ,ਮਿਸਜ ਮਨਜੀਤ ਕੌਰ ਭੰਵਰਾ,ਸ੍ਰੀਮਤੀ ਗੋਗਾ ਪੰਚ ਜੁਝਾਰ ਨਗਰ,ਸੰਜੀਵ ਕੁਮਾਰ ਸਨੇਟਾ,ਸੁਖਵਿੰਦਰ ਸਿੰਘ ਗੋਗੀ,
ਸਵਰਨ ਸਿੰਘ,ਹਰਜੋਤ ਸਿੰਘ ਗੱਬਰ,
ਸਤਵਿੰਦਰ ਸਿੰਘ ਮਿੱਠੂ ਅਤੇ ਪਰਮਜੀਤ ਸਿੰਘ ਵਿੱਕੀ ਮੋਹਾਲੀ ਪਿੰਡ ਵੀ ਹਾਜ਼ਰ ਸਨ।
