ਖੰਨਾ, 21 ਜਨਵਰੀ,ਬੋਲੇ ਪੰਜਾਬ ਬਿਊਰੋ :
ਸ਼ਹਿਰ ਦੇ ਖਟੀਕਾਂ ਮੁਹੱਲੇ ਵਿੱਚ ਪਤੰਗਬਾਜ਼ੀ ਦੌਰਾਨ 5 ਸਾਲ ਦੇ ਬੱਚੇ ਦੀ ਜਾਨ ਬਚ ਗਈ। ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਬੱਚਾ ਛੱਤ ‘ਤੇ ਪਤੰਗ ਉਡਾ ਰਿਹਾ ਸੀ। ਜਾਣਕਾਰੀ ਅਨੁਸਾਰ ਅਰਮਾਨ ਖਾਨ (5) ਪੁੱਤਰ ਸੋਨੂੰ ਖਾਨ ਵਾਸੀ ਖਟੀਕਾਂ ਮੁਹੱਲਾ ਖੰਨਾ ਆਪਣੇ ਘਰ ਦੀ ਛੱਤ ‘ਤੇ ਪਤੰਗ ਉਡਾ ਰਿਹਾ ਸੀ, ਜਦੋਂ ਉਥੋਂ ਇਕ ਕੱਟੀ ਹੋਈ ਪਤੰਗ ਲੰਘ ਰਹੀ ਸੀ ਤਾਂ ਅਰਮਾਨ ਨੇ ਉਸ ਨੂੰ ਫੜ ਲਿਆ।
ਪਹਿਲਾਂ ਤਾਂ ਅਰਮਾਨ ਦੀ ਉਂਗਲੀ ਕੱਟੀ ਗਈ ਕਿਉਂਕਿ ਚਾਈਨਾ ਡੋਰ ਸੀ ਅਤੇ ਜਦੋਂ ਡੋਰ ਬਿਜਲੀ ਦੀਆਂ ਤਾਰਾਂ ਨੂੰ ਛੂਹਿਆ ਤਾਂ ਡੋਰ ਦੇ ਅੰਦਰ ਬਿਜਲੀ ਦਾ ਕਰੰਟ ਆ ਗਿਆ ਅਤੇ ਕਰੰਟ ਲੱਗਣ ਕਾਰਨ ਅਰਮਾਨ ਨੂੰ ਜ਼ੋਰਦਾਰ ਝਟਕਾ ਲੱਗਾ। ਬੱਚੇ ਦੀ ਆਵਾਜ਼ ਸੁਣ ਕੇ ਉਸ ਦੀ ਮਾਂ ਨੂਰ ਤੁਰੰਤ ਛੱਤ ‘ਤੇ ਆਈ ਅਤੇ ਬੱਚੇ ਨੂੰ ਆਪਣੀ ਗੋਦ ‘ਚ ਲੈ ਕੇ ਤੁਰੰਤ ਚੈੱਕਅਪ ਲਈ ਨੇੜਲੇ ਹਸਪਤਾਲ ਲੈ ਗਈ।
