ਸਾਹਿਤਕ ਉਤਸਵ ਵਿਚ ਸ਼ਾਮਿਲ ਹੋਣਗੇ ਜਾਣੇ-ਪਛਾਣੇ ਸਾਹਿਤਕਾਰ
ਰਤਨ ਟਾਟਾ ਦੀ ਕਿਤਾਬ ‘ਦਿ ਲੈਜੇਂਡ ਲਿਵਜ਼ ਆਨ: ਏ ਮੈਨ ਕਾਲਡ ਰਤਨ ਟਾਟਾ’ ਦਾ ਲੋਕ ਅਰਪਣ ਹੋਵੇਗਾ ਸਮਾਰੋਹ ਦਾ ਮੁੱਖ ਆਕਰਸ਼ਣ
ਅਭਿਨੇਤਾ ਤੁਸ਼ਾਰ ਕਪੂਰ ‘ਸਿੰਗਲ ਪਿਤਾ ਦੀਆਂ ਚੁਣੌਤੀਆਂ’ ਤੇ ਕਰਨਗੇ ਚਰਚਾ
ਸਾਹਿਤ ਪ੍ਰੇਮੀਆਂ ਲਈ ਹੋਣਗੇ ਵਿਚਾਰ ਵਟਾਂਦਰੇ ਵਾਲੇ ਸੈਸ਼ਨ
ਚੰਡੀਗਡ਼੍ਹ, 16 ਨਵੰਬਰ,ਬੋਲੇ ਪੰਜਾਬ ਬਿਊਰੋ :
ਚੰਡੀਗਡ਼੍ਹ ਲਿਟਰੇਚਰ ਸੋਸਾਇਟੀ (ਸੀ.ਐਲ.ਐਸ.) ਵੱਲੋਂ ਲੇਖਕਾਂ ਅਤੇ ਸਾਹਿਤਕ ਗਤੀਵਿਧੀਆਂ ਦੇ ਸੁਮੇਕ ਦੀ ਪੇਸ਼ਕਾਰੀ ਕਰਨ ਵਾਲੇ ‘ਸੀਐਲਐਫ ਲਿਟਰੇਟੀ-2024’ ਦੇ 12ਵੇਂ ਐਡੀਸ਼ਨ ਦਾ ਆਯੋਜਨ 23 ਅਤੇ 24 ਨਵੰਬਰ ਨੂੰ ਲੇਕ ਕਲੱਬ ਚੰਡੀਗਡ਼੍ਹ ਵਿਖੇ ਹੋਵੇਗਾ। ਇਨ੍ਹਾਂ ਆਯੋਜਨਾਂ ਦੇ ਹਿੱਸੇ ਵਜੋਂ 22 ਨਵੰਬਰ ਨੂੰ ਇੱਕ ਰੂਹਾਨੀ ਸੰਗੀਤਕ ਸ਼ਾਮ ਦੀ ਪੇਸ਼ਕਾਰੀ ਦੀ ਸ਼ੁਰੂਆਤ ਤਹਿਤ ਆਗਾਜ਼-ਏ-ਸ਼ਾਮ ਤਹਿਤ ਗਜ਼ਲਾਂ ਦਾ ਗਾਇਨ ਹੋਵੇਗਾ। ਇਹ ਸਮਾਰੋਹ ਰਾਣੀ ਲਕਸ਼ਮੀ ਬਾਈ ਭਵਨ ਸੈਕਟਰ 38 ਵਿਖੇ ਹੋਵੇਗਾ ਜਿੱਥੇ ਪ੍ਰਸਿੱਧ ਕਲਾਕਾਰ ਕੰਵਰ ਜਗਮੋਹਨ ਆਪਣੀ ਗਾਇਕੀ ਨਾਲ ਰੰਗ ਬੰਨਣਗੇ। 23 ਅਤੇ 24 ਨਵੰਬਰ ਨੂੰ ਸਮੁੱਚੇ ਸਾਹਿਤਕ ਸਮਾਗਮ ਸੁਖਨਾ ਝੀਲ ਚੰਡੀਗਡ਼੍ਹ ਤੇ ਹੋਣਗੇ।
ਉਪਰੋਕਤ ਜਾਣਕਾਰੀ ਸੀਐਲਐਫ ਲਿਟਰੇਟੀ-2024 ਦੀ ਫੈਸਟੀਵਲ ਡਾਇਰੈਕਟਰ ਅਤੇ ਸੀ.ਐਲ.ਐਸ. ਦੀ ਚੇਅਰਪਰਸਨ, ਡਾ. ਸੁਮਿਤਾ ਮਿਸ਼ਰਾ, ਆਈ.ਏ.ਐਸ., ਵੱਲੋਂ ਪ੍ਰੈੱਸ ਕਲੱਬ ਵਿਖੇ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਦਿੱਤੀ ਗਈ।
ਡਾ ਮਿਸ਼ਰਾ ਨੇ ਕਿਹਾ ਕਿ, ‘‘ਸਿਰਜਣਾਤਮਕਤਾ ਦਾ ਜਸ਼ਨ’ ’ਤੇ ਆਧਾਰਿਤ, ਤਿੰਨ ਦਿਨ ਦਾ ਇਹ ਸਾਹਿਤਕ ਉਤਸਵ ਇੱਕ ਦਿਲਚਸਪ ਮਿਸ਼ਰਣ ਦਾ ਦੀ ਪੇਸ਼ਕਾਰੀ ਕਰੇਗਾ। ਉਨ੍ਹਾਂ ਕਿਹਾ ਕਿ ਇਸ ਵਿੱਚ ਵਿਚਾਰਾਂ ਦਾ ਅਦਾਨ ਪ੍ਰਦਾਨ ਕਰਨ ਵਾਲੀ ਚਰਚਾ, ਕਿਤਾਬਾਂ ਦਾ ਲੋਕ ਅਰਪਣ, ਰੁਝੇਵੇਂ ਭਰੇ ਸੈਸ਼ਨ, ਅਤੇ ਕੁਝ ਵਿਸ਼ੇਸ਼ਤਾ ਵਾਲੀ ਕਿਤਾਬ ਰੀਡਿੰਗ, ਸਾਹਿਤ, ਕਲਾ ਅਤੇ ਸੱਭਿਆਚਾਰ ਵਿੱਚ ਸਭ ਤੋਂ ਮਸ਼ਹੂਰ ਨਾਵਾਂ ਵਾਲੇ ਲੇਖਕਾਂ ਦੇ ਭਾਸ਼ਨ ਵੀ ਕਰਾਏ ਜਾਣਗੇ।
ਉਨ੍ਹਾਂ ਕਿਹਾ ਕਿ 23 ਨਵੰਬਰ ਨੂੰ ਫੈਸਟੀਵਲ ਨੂੰ ਸਮਾਰੋਹ ਦਾ ਆਰੰਭ ਪੰਡਿਤ ਸੁਭਾਸ਼ ਘੋਸ਼ ਦੁਆਰਾ ‘‘ਦਿਲ ਦੇ ਤਾਰ” ਨਾਮੀ ਸੰਗੀਤਕ ਪੇਸ਼ਕਾਰੀ ਨਾਲ ਸੁਰੀਲੇ ਢੰਗ ਨਾਲ ਹੋਵੇਗਾ। ਇਸ ਮੌਕੇ ਕੁੰਜੀਵਤ ਭਾਸ਼ਣ ਰਾਸ਼ਟਰੀ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਮਾਧਵ ਕੌਸ਼ਿਕ ਕਰਨਗੇ।
ਡਾ. ਸੁਮਿਤਾ ਮਿਸ਼ਰਾ ਨੇ ਕਿਹਾ, ਪਹਿਲੇ ਦਿਨ ਦੇ ਮੁੱਖ ਪ੍ਰੋਗਰਾਮ ਤਹਿਤ ‘ਰਤਨ ਟਾਟਾ: ਏ ਲਾਈਫ’ ਦੀ ਘੁੰਚ ਚੁਕਾਈ ਨਾਲ ਹੋਵੇਗੀ। ਇਹ ਨਵੀਂ ਪੁਸਤਕ ਇੱਕ ਸੇਵਾਮੁਕਤ ਬਿਊਰੋਕਰੇਟਸ ਅਧਿਕਾਰੀ ਡਾ. ਥਾਮਸ ਮੈਥਿਊ ਵੱਲੋਂ ਲਿਖੀ ਹੈ, ਜਿਸ ਵਿੱਚ ਰਤਨ ਟਾਟਾ ਦੀ ਜੀਵਨੀ ਹੈ। ਇਹ ਕਿਤਾਬ ਰਤਨ ਟਾਟਾ ਦੇ ਜੀਵਨ ਦੀ ਇੱਕ ਵਿਲੱਖਣ ਝਲਕ ਪੇਸ਼ ਕਰਦੀ ਹੈ, ਉਨ੍ਹਾਂ ਦੇ ਜੀਵਨ ਸਫ਼ਰ ਦੇ ਉਨ੍ਹਾਂ ਪਹਿਲੂਆਂ ਨੂੰ ਉਜਾਗਰ ਕਰਦੀ ਹੈ, ਜਿਨ੍ਹਾਂ ਬਾਰੇ ਪਾਠਕਾਂ ਨੂੰ ਪਹਿਲਾਂ ਬਹੁਤ ਘੱਟ ਜਾਣਕਾਰੀ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਪੁਸਤਕ ਲੇਖਕ ਡਾ. ਮੈਥਿਊ ਦੇ ਨਾਲ ਇੱਕ ਇੰਟਰ-ਐਕਟਿਵ ਸੈਸ਼ਨ ‘ਦਿ ਲੈਜੈਂਡ ਲਾਈਵਜ਼ ਆਨ-ਏ ਮੈਨ ਕਾਲਡ ਰਤਨ ਟਾਟਾ’ ਵੀ ਆਯੋਜਿਤ ਹੋਵੇਗਾ।
ਉਨ੍ਹਾਂ ਦੱਸਿਆ ਕਿ ‘‘ਪੰਜਾਬ: ਜਲ੍ਹਿਆਂਵਾਲਾ ਬਾਗ ਤ੍ਰਾਸਦੀ ਅਤੇ ਇਸ ਦੇ ਆਲੇ-ਦੁਆਲੇ ਦੇ ਬਿਰਤਾਂਤ” ਸਿਰਲੇਖ ਵਾਲੇ ਇੱਕ ਪ੍ਰਭਾਵਸ਼ਾਲੀ ਸੈਸ਼ਨ ਵਿੱਚ ਨਾਮਵਰ ਬੁਲਾਰੇ ਕਿਸ਼ਵਰ ਦੇਸਾਈ ਜੋ ਕਿ ਇੱਕ ਪੁਰਸਕਾਰ ਜੇਤੂ ਲੇਖਕ, ਨਾਟਕਕਾਰ, ਇਤਿਹਾਸਕਾਰ, ਅਤੇ ਜ਼ੀ ਟੈਲੀਫ਼ਿਲਮਜ਼ ਦੇ ਸਾਬਕਾ ਉਪ ਪ੍ਰਧਾਨ ਹਨ ਸ਼ਾਮਿਲ ਹੋਣਗੇ। ਇਸੇ ਤਰਾਂ ਇਸ ਸਮੇਂ ਅਮਰੀਕਾ ਦੇ ਸਾਬਕਾ ਰਾਜਦੂਰ ਨਵਤੇਜ ਸਰਨਾ, ਜਿਨ੍ਹਾਂ ਨੇ ‘ਕ੍ਰਿਮਸਨ ਸਪਰਿੰਗ’ ਦੀ ਲਿਖਤ ਲਈ 2022 ਦਾ ਸਰਵੋਤਮ ਗਲਪ ਪੁਸਤਕ ਕੇਐਲਐਫ ਅਵਾਰਡ ਜਿੱਤਿਆ, ਵੀ ਸ਼ਿਰਕਤ ਕਰਨਗੇ। ਉਹ ਭਾਰਤੀ ਇਤਿਹਾਸ ਦੀਆਂ ਸਭ ਤੋਂ ਦੁਖਦਾਈ ਘਟਨਾਵਾਂ ਵਿੱਚੋਂ ਇੱਕ ਦੇ ਡੂੰਘੇ ਪ੍ਰਭਾਵ ਸਬੰਧੀ ਆਪਣੇ ਵਿਚਾਰ ਰੱਖਣਗੇ।
‘‘ਪੰਜਾਬ ਦੀ ਜ਼ੁਬਾਨ: ਨੌਜਵਾਨ ਕਵੀਆਂ ਵੱਲੋਂ ਵਰਤਮਾਨ ਸਮੇਂ ਵਿੱਚ ਪੰਜਾਬੀ ਕਵਿਤਾ ਦੀ ਸਥਿਤੀ ਤੇ ਚਰਚਾ” ਵਿੱਚ ਨੌਜਵਾਨ ਕਵੀ ਰਣਧੀਰ ਉੱਪਲ, ਵਾਹਿਦ ਖਡਿਆਲ ਅਤੇ ਜੱਸੀ ਸੰਘਾ ਪੰਜਾਬੀ ਕਵਿਤਾ ਦੇ ਉੱਭਰਦੇ ਲੈਂਡਸਕੇਪ ਬਾਰੇ ਵਿਚਾਰ ਕਰਨਗੇ।
ਇੱਕ ਹੋਰ ਮਹੱਤਵਪੂਰਨ ਸੈਸ਼ਨ, ‘‘ਲੀਗਲ ਲੈਂਡਮਾਰਕਸ: ਚਾਰਟਿੰਗ ਦ ਪਾਥ ਆਫ਼ ਜਸਟਿਸ” ਵਿੱਚ ਪਿੰਕੀ ਆਨੰਦ, ਜੋ ਇੱਕ ਪ੍ਰਸਿੱਧ ਵਕੀਲ ਅਤੇ ਸਿਆਸਤਦਾਨ ਸ਼ਾਮਿਲ ਹੋਣਗੇ, ਜਿਨ੍ਹਾਂ ਨੇ ਭਾਰਤ ਦੀ ਸੁਪਰੀਮ ਕੋਰਟ ਵਿੱਚ ਇੱਕ ਵਧੀਕ ਸਾਲਿਸਟਰ ਜਨਰਲ ਵਜੋਂ ਸੇਵਾ ਨਿਭਾ ਚੁੱਕੇ ਹਨ ਅਤੇ ਵਕੀਲ ਸੌਦਾਮਿਨੀ ਸ਼ਰਮਾ ਸ਼ਾਮਿਲ ਹੋਣਗੇ। ਉਹ ਭਾਰਤ ਦੇ ਇਤਿਹਾਸ ਵਿਚ ਮੁੱਖ ਕਾਨੂੰਨੀ ਮੀਲ ਪੱਥਰਾਂ ਬਾਰੇ ਚਰਚਾ ਕਰਨਗੇ।
ਇਹ ਸਾਹਿਤਕ ਉਤਸਵ ਬਹਾਦਰੀ ਅਤੇ ਸਾਹਸ ਦੀਆਂ ਕਹਾਣੀਆਂ ਦਾ ਜਸ਼ਨ ਵੀ ਮਨਾਏਗਾ ‘‘ਬਹਾਦਰੀ ਦੀ ਆਵਾਜ਼: ਬਹਾਦਰੀ ਦੀਆਂ ਕਹਾਣੀਆਂ” ਵਿੱਚ, ਜਨਰਲ ਇਆਨ ਕਾਰਡੋਜ਼ੋ, ਜੋ ਕਿ ਬਹਾਦਰੀ ਲਈ ਸੈਨਾ ਮੈਡਲ ਨਾਲ ਸਨਮਾਨਿਤ ਭਾਰਤੀ ਫੌਜ ਦੇ ਪਹਿਲੇ ਅਧਿਕਾਰੀ ਹਨ ਅਤੇ ਜਨਰਲ ਸਈਅਦ ਅਤਾ ਹਸਨੈਨ ਜੋ ਕਿ ਇੱਕ ਉੱਚ ਭਾਰਤੀ ਸੈਨਾ ਅਧਿਕਾਰੀ ਹਨ ਅਤੇ ਜੰਮੂ-ਕਸ਼ਮੀਰ, ਪਾਕਿਸਤਾਨ ਅਤੇ ਮੱਧ ਪੂਰਬ ਦੇ ਪ੍ਰਮੁੱਖ ਲੇਖਕਾਂ ਅਤੇ ਵਿਸ਼ਲੇਸ਼ਕਾਂ ਵਿੱਚੋਂ ਇੱਕ ਹਨ, ਸ਼ਾਮਿਲ ਹੋਣਗੇ।
‘‘ਸਿਆਹੀ ਅਤੇ ਕਲਪਨਾ: ਕਾਵਿ ਸੰਸਾਰਾਂ ਦੀ ਕਾਰੀਗਰੀ” ਤਹਿਤ ਆਈਏਐਸ ਅਧਿਕਾਰੀ ਡਾ. ਸੁਮਿਤਾ ਮਿਸ਼ਰਾ, ਜੋ ਕਿ ਸਮਕਾਲੀ ਭਾਰਤ ਦੀ ਇੱਕ ਪ੍ਰਮੁੱਖ ਕਵੀ ਅਤੇ ਜਿਨ੍ਹਾਂ ਨੂੰ ਚੰਡੀਗਡ਼੍ਹ ਸਾਹਿਤ ਅਕਾਦਮੀ ਪੁਰਸਕਾਰਾਂ ਹਾਸਿਲ ਹੋ ਚੁੱਕੇ ਹਨ, ਉਹ ਲੇਖਿਕਾ ਅਰਾਧਿਕਾ ਸ਼ਰਮਾ ਨਾਲ ਕਵਿਤਾ ਦੀ ਕਲਾ ’ਤੇ ਗੱਲਬਾਤ ਕਰਨਗੇ।
ਇੱਕ ਹੋਰ ਮਹੱਤਵਪੂਰਨ ਸੈਸ਼ਨ ‘‘ਡੈਡੀ ਇਨ ਦਾ ਡਰਾਈਵਰਸ ਸੀਟ: ਏ ਸਿੰਗਲ ਫਾਦਰਜ਼ ਐਕਸਪੀਰੀਅੰਸ” ਵਿੱਚ ਬਾਲੀਵੁੱਡ ਅਭਿਨੇਤਾ ਤੁਸ਼ਾਰ ਕਪੂਰ ਸ਼ਮੂਲੀਅਤ ਕਰਨਗੇ। ਉਨ੍ਹਾਂ ਆਪਣੀ ਪਹਿਲੀ ਕਿਤਾਬ ਬੈਚਲਰ ਡੈਡ: ਮਾਈ ਜਰਨੀ, ਇੱਕ ਯਾਦਾਂ ਜੋ ਉਸ ਦੇ ਪੁੱਤਰ ਦੇ ਇੱਕਲੇ ਪਿਤਾ ਦੇ ਰੂਪ ਵਿੱਚ ਉਸ ਦੇ ਅਨੁਭਵਾਂ ਦੀ ਪਡ਼ਚੋਲ ਕਰਦੀ ਹੈ, ਦੇ ਨਾਲ ਲਿਖਣ ਦਾ ਉੱਦਮ ਕੀਤਾ ਹੈ। ਉਸ ਦਾ ਪੁੱਤਰ ਕਕਸ਼ਿਆ 2016 ਵਿੱਚ ਸਰੋਗੇਸੀ ਵਿਧੀ ਰਾਹੀਂ ਜਨਮਿਆ ਸੀ।
ਡਾ: ਮਿਸ਼ਰਾ ਨੇ ਦੱਸਿਆ, ‘‘ਇਸ ਸਮਾਗਮ ਦੌਰਾਨ ਸਾਰੇ ਸੈਸ਼ਨਾਂ ਨੂੰ ਇਸ ਤਰਾਂ ਤਿਆਰ ਕੀਤਾ ਗਿਆ ਹੈ ਕਿ ਸਾਰੇ ਬੁਲਾਰਿਆਂ ਦਾ ਇੱਕ ਵਧੀਆ ਸੰਵਾਦ ਸਰੋਤਿਆਂ ਦੇ ਸਾਹਮਣੇ ਆ ਸਕੇ।
ਫੈਸਟੀਵਲ ਦੇ ਦੂਜੇ ਦਿਨ ਦੀ ਸ਼ੁਰੂਆਤ ਕਵੀ ਐਮੀ ਸਿੰਘ ਅਤੇ ਜੱਸੀ ਸੰਘਾ ਦੁਆਰਾ ‘ਇੰਨ ਮੈਮੋਰੀਅਮ: ਏ ਟ੍ਰਿਬਿਊਟ ਟੂ ਡਾ. ਸੁਰਜੀਤ ਪਾਤਰ’ ਦੇ ਸੈਸ਼ਨ ਨਾਲ ਹੋਵੇਗੀ। ਜੱਸੀ ਸੰਘਾ ਇੱਕ ਮਸ਼ਹੂਰ ਪੰਜਾਬੀ ਲੇਖਿਕਾ, ਸਹਾਇਕ ਨਿਰਦੇਸ਼ਕ, ਅਤੇ ਫਿਲਮ ਖੋਜਕਰਤਾ ਹਨ।
ਬਿਰਤਾਂਤਕ ਇਤਿਹਾਸ ਦੀ ਸਭ ਤੋਂ ਵੱਧ ਵਿਕਣ ਵਾਲੀਆਂ ਪੁਸਤਕਾਂ ਦੀ ਲੇਖਿਕਾ ਅਤੇ ‘ਅਕਬਰ: ਦਿ ਗ੍ਰੇਟ ਮੁਗਲ’ ਦੀ ਲੇਖਿਕਾ ਇਰਾ ਮੁਖੋਟੀ ਦੀ ਅਗਵਾਈ ਵਿੱਚ ‘‘ਕਹਾਣੀ ਦੇ ਤੌਰ ’ਤੇ ਇਤਿਹਾਸ: ਗੁੰਮ ਹੋਏ ਅਧਿਆਏ ਨੂੰ ਮੁਡ਼ ਸੁਰਜੀਤ ਕਰਨਾ” ਵਿਸ਼ੇ ’ਤੇ ਇੱਕ ਸੈਸ਼ਨ ਆਯੋਜਿਤ ਕੀਤਾ ਜਾਵੇਗਾ।
‘‘ਵਿਭਿੰਨਤਾ ਵਿੱਚ ਸੁੰਦਰਤਾ: ਪਿਆਰ, ਭਾਸ਼ਾ ਅਤੇ ਕਵਿਤਾ” ਉੱਤੇ ਇੱਕ ਦਿਲਚਸਪ ਚਰਚਾ ਹੋਵੇਗੀ, ਜਿਸ ਵਿੱਚ ਰਕਸ਼ੰਦਾ ਜਲੀਲ ਜੋ ਕਿ ਇੱਕ ਬਹੁ-ਐਵਾਰਡ ਜੇਤੂ ਅਨੁਵਾਦਕ, ਲੇਖਕ, ਅਤੇ ਸਾਹਿਤਕ ਇਤਿਹਾਸਕਾਰ ਹਨ ਅਤੇ ਵਿਜੈ ਵਰਧਨ ਜੋ ਕਿ ਇੱਕ ਸੀਨੀਅਰ ਨੌਕਰਸ਼ਾਹ ਹਨ, ਜਿਸ ਦੀ ਸਭ ਤੋਂ ਤਾਜ਼ਾ ਕਿਤਾਬ ‘ਹੈਪਨਿੰਗ ਹਰਿਆਣਾ’ ਦੇ ਹਡ਼ੱਪਾ ਯੁੱਗ ਤੋਂ ਲੈ ਕੇ ਹੁਣ ਤੱਕ ਦੇ ਹਰਿਆਣੇ ਦੇ ਇਤਿਹਾਸ ਨੂੰ ਗ੍ਰਹਿਣ ਕਰਦੀ ਹੈ, ਵੀ ਸ਼ਾਮਿਲ ਹੋਣਗੇ।
ਇੱਕ ਹੋਰ ਸੈਸ਼ਨ ਵਿੱਚ ‘‘ਸਾਹਿਤ ਸੰਵਾਦ: ਕਥਾ ਔਰ ਕਲਪਨਾ”ਦੇ ਲੇਖਕ ਡਾ: ਮਾਧਵ ਕੌਸ਼ਿਕ, ਹਿੰਦੀ ਦੇ ਉੱਘੇ ਕਵੀ ਅਤੇ ਲੇਖਕ, ਜੋ ਕਿ ਰਾਸ਼ਟਰੀ ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਵੀ ਹਨ ਅਤੇ ਪ੍ਰਸਿੱਧ ਕਵੀ ਅਤੇ ਆਲੋਚਕ ਜਤਿੰਦਰ ਸ਼੍ਰੀਵਾਸਤਵ, ਆਪਣੀਆਂ 30 ਕਿਤਾਬਾਂ ਦੇ ਭਾਰਤੀ ਸਾਹਿਤ ਵਿੱਚ ਕਹਾਣੀ ਸੁਣਾਉਣ ਅਤੇ ਕਲਪਨਾ ਦਾ ਪਰਸਪਰ ਪ੍ਰਭਾਵ ਨਾਲ ਚਰਚਾ ਕਰਨਗੇ।
ਇੱਕ ਹੋਰ ਢੁਕਵੇਂ ਸੈਸ਼ਨ ਏਆਈ ਐਂਡ ਕਰੇਟੀਵਿਟੀ: ਫਰੈਂਡ ਔਰ ਫ਼ੋਅ?’ ਵਿੱਚ ਰੇਣੂ ਸਿਨਹਾ ਨਾਲ ਖੁਸ਼ਵੰਤ ਸਿੰਘ ਇੱਕ ਬਹੁਤ ਹੀ ਪ੍ਰਸਿੱਧ ਅਤੇ ਮਸ਼ਹੂਰ ਲੇਖਕ ਜੋ ਕਿ ਸਾਬਕਾ ਸਟੇਟ ਇਨਫਰਮੇਸ਼ਨ ਕਮਿਸ਼ਨਰ, ਪੰਜਾਬ ਵੀ ਹਨ ਅਤੇ ਅਫਾਨ ਯੇਸਵੀ ਜੋ ਕਿ ਇੱਕ ਸੂਫੀ ਵਿਦਵਾਨ, ਕਾਲਮ ਨਵੀਸ ਅਤੇ ਉੱਦਮੀ ਹਨ, ਕਰੀਏਟਿਵ ਕੌਸਮੌਸ ਵਿੱਚ ਏਆਈ ਦੇ ਵਿਕਾਸ ਬਾਰੇ ਵਿਚਾਰ ਚਰਚਾ ਕਰਨਗੇ।
ਰੰਗਮੰਚ ਕਲਾਵਾਂ ਦੇ ਇੱਕ ਹੋਰ ਵਿਚਾਰ-ਪ੍ਰੇਰਕ ਸੈਸ਼ਨ ਵਿੱਚ ‘‘ਦ ਪਾਵਰ ਆਫ਼ ਨੈਰੇਟਿਵ ਥੀਏਟਰ ਐਂਡ ਬਾਇਓਂਡ” ਤਹਿਤ ਥੀਏਟਰ ਦੇ ਮੁਖੀ ਐਮ ਕੇ ਰੈਨਾ ਜੋ ਕਿ ਇੱਕ ਅਭਿਨੇਤਾ, ਥੀਏਟਰ ਨਿਰਦੇਸ਼ਕ, ਫਿਲਮ ਨਿਰਮਾਤਾ, ਪਟਕਥਾ ਲੇਖਕ, ਅਕਾਦਮਿਕ ਅਤੇ ਲੇਖਕ ਹਨ ਅਤੇ ਪਦਮ ਸ਼੍ਰੀ ਨੀਲਮ ਮਾਨਸਿੰਘ ਚੌਧਰੀ, ਜੋ ਕਿ ਵਿਆਪਕ ਤੌਰ ’ਤੇ ਆਪਣੇ ਯੋਗਦਾਨ ਲਈ ਜਾਣੇ ਜਾਂਦੇ ਹਨ, ਮਸ਼ਹੂਰ ਥੀਏਟਰ ਕਲਾਕਾਰ ਅਤੇ ਨਿਰਦੇਸ਼ਕ ਕਹਾਣੀ ਸੁਣਾਉਣ ਦੇ ਮਾਧਿਅਮ ਵਜੋਂ ਥੀਏਟਰ ਦੀ ਪਰਿਵਰਤਨਸ਼ੀਲ ਸ਼ਕਤੀ ਬਾਰੇ ਚਰਚਾ ਕਰਨਗੇ।
‘‘1984 ਦੀਆਂ ਗੂੰਜਾਂ: ਨੁਕਸਾਨ, ਬਚਾਅ ਅਤੇ ਪਛਾਣ ਦੇ ਬਿਰਤਾਂਤ” ਤਹਿਤ ਨਾਮਵਰ ਲੇਖਕ ਬੱਬੂ ਤੀਰ ਅਤੇ ਸਨਮ ਸੁਤੀਰਥ ਵਜ਼ੀਰ, ਇੱਕ ਮਨੁੱਖੀ ਅਧਿਕਾਰ ਕਾਰਕੁਨ ਅਤੇ ‘ਦਾ ਕੌਰਸ ਆਫ਼ 1984: ਦਾ ਅਨਟੋਲਡ, ਸਿੱਖ ਔਰਤਾਂ ਦੀਆਂ ਅਣਸੁਣੀਆਂ ਕਹਾਣੀਆਂ ਦੇ ਲੇਖਕ ਨਾਲ ਇੱਕ ਪ੍ਰਭਾਵਸ਼ਾਲੀ ਚਰਚਾ ਪੇਸ਼ ਕਰਨਗੇ।
‘‘ਭਾਰਤ ਦੀ ਸਭਿਅਤਾ ਦੀ ਦੌਲਤ ਦੀ ਪਡ਼ਚੋਲ: ਭਾਸ਼ਾ, ਅਧਿਆਤਮਿਕਤਾ ਅਤੇ ਵਿਰਾਸਤ” ਵਿੱਚ ਪਵਨ ਵਰਮਾ ਜੋ ਕਿ ਇੱਕ ਲੇਖਕ-ਕੂਟਨੀਤਕ ਹਨ, ਜਿਨ੍ਹਾਂ ਨੇ ਇੱਕ ਦਰਜਨ ਤੋਂ ਵੱਧ ਸਭ ਤੋਂ ਵੱਧ ਵਿਕਣ ਵਾਲੀਆਂ ਕਿਤਾਬਾਂ ਲਿਖੀਆਂ ਹਨ ਅਤੇ ਸੰਕ੍ਰਾਂਤ ਸਾਨੂ, ਜੋ ਕਿ ਇੱਕ ਲੇਖਕ ਅਤੇ ਪ੍ਰਕਾਸ਼ਨ ਘਰ ਗਰੁਡ਼ ਪ੍ਰਕਾਸ਼ਨ ਦੇ ਸੰਸਥਾਪਕ ਅਤੇ ਸੀ.ਈ.ਓ. ਹਨ ਭਾਰਤ ਦੇ ਅਮੀਰ ਸੱਭਿਆਚਾਰਕ ਟੈਪੇਸਟਰੀ ਦੀ ਇੱਕ ਸੂਝਵਾਨ ਖੋਜ ਸਬੰਧੀ ਚਰਚਾ ਕਰਨਗੇ।
‘‘ਡਰ ਅਤੇ ਮੂਰਖਤਾ: ਡਰਾਉਣੀ ਅਤੇ ਵਿਅੰਗ ਦਾ ਇੰਟਰਸੈਕਸ਼ਨ” ਤਹਿਤ ਲੇਖਕ ਸੋਹਮ ਸ਼ਾਹ ਸੋਹਮ ਜੋ ਕਿ ਇੱਕ ਫਿਲਮ ਨਿਰਮਾਤਾ, ਵਧੀਆ ਕਲਾਕਾਰ, ਵਿਗਿਆਪਨ ਕੰਪਨੀ ਦੇ ਸਿਰਜਣਹਾਰ, ਅਤੇ ਲੇਖਕ ਹਨ ਜਿਸ ਨੇ ਨਾਵਲ ਬਲੱਡ ਮੂਨ ਅਤੇ ਕਰਨ ਓਬਰਾਏ ਦੇ ਨਾਲ ਇੱਕ ਮਾਡਲ ਅਤੇ ਭਾਰਤ ਦੇ ਪਹਿਲੇ ਬੁਆਏ-ਬੈਂਡ – ਲਡ਼ਕਿਆਂ ਦਾ ਇੱਕ ਬੈਂਡ ਦੇ ਸੰਸਥਾਪਕ ਨਾਲ ਸ਼ੁਰੂਆਤ ਕੀਤੀ ਹੈ। ਸਮਕਾਲੀ ਬਿਰਤਾਂਤਾਂ ਵਿੱਚ ਦਹਿਸ਼ਤ ਅਤੇ ਵਿਅੰਗ ਦੇ ਅਨੰਦਮਈ ਅਤੇ ਪਰੇਸ਼ਾਨ ਕਰਨ ਵਾਲੇ ਮਿਸ਼ਰਣ ਦੀ ਪਡ਼ਚੋਲ ਕਰਨਗੇ।
ਜ਼ਿਕਰਯੋਗ ਹੈ ਕਿ ਫੈਸਟੀਵਲ ‘ਬੁੱਕ ਬਜ਼’ ਗਤੀਵਿਧੀਆਂ ਵਿੱਚ 6 ਕਿਤਾਬਾਂ ਲਾਂਚ ਕਰਨ ਦਾ ਵੀ ਪ੍ਰੋਗਰਾਮ ਹੋਵੇਗਾ। ਇਨ੍ਹਾਂ ਵਿਚ ਸਰਬਜੀਤ ਸਿੰਘ ਮਦਾਨ ਦੁਆਰਾ ‘‘ਉਡਾਰੀ” (ਪੰਜਾਬੀ)ਹਨ; ਸ਼ਰਤ ਰਲਹਨ ਦੁਆਰਾ ‘‘ਦਿਵਾ ਹੂ ਡਿਡ ਟੂ ਲਿਵ”; ਡਾ ਸੰਜੀਵ ਕੁਮਾਰੀ ਆਰਜੇ ਦੁਆਰਾ ‘‘ਸੁਲਗਦੀ ਧਰਤੀ”; ਲੇਖਕ ਚੇਤਨਾ ਕੀਰ ਦੁਆਰਾ ‘ਗੀਸ਼ਾ ਇਨ ਦਾ ਗੋਟਾ ਪੱਟੀ’; ਲੇਖਕ ਸਾਰਿਕਾ ਧੂਪਰ ਦੁਆਰਾ ‘ਉਦਗਾਰ’; ਲੇਖਕ ਅਨਿਰੁਧ ਤਿਵਾਰੀ ਦੁਆਰਾ ‘ਰਾਮ ਸੇਵਕ ਦੇ ਪ੍ਰਤੀਬਿੰਬ’ ਸ਼ਾਮਿਲ ਹਨ।
