ਸੋਮਾਲੀਆ ‘ਚ ਹੋਟਲ ‘ਤੇ ਆਤਮਘਾਤੀ ਹਮਲਾ, 37 ਲੋਕਾਂ ਦੀ ਮੌਤ, 212 ਜ਼ਖਮੀ
ਮੋਗਾਦਿਸ਼ੂ, 4 ਅਗਸਤ, ਬੋਲੇ ਪੰਜਾਬ ਬਿਊਰੋ :
ਸੋਮਾਲੀਆ ਦੀ ਰਾਜਧਾਨੀ ਮੋਗਾਦਿਸ਼ੂ ‘ਚ ਬੀਚ ਹੋਟਲ ‘ਤੇ ਹੋਏ ਆਤਮਘਾਤੀ ਹਮਲੇ ‘ਚ 37 ਲੋਕਾਂ ਦੀ ਮੌਤ ਹੋ ਗਈ ਅਤੇ 212 ਹੋਰ ਜ਼ਖਮੀ ਹੋ ਗਏ। ਹਮਲੇ ‘ਚ ਇਕ ਜਵਾਨ ਵੀ ਸ਼ਹੀਦ ਹੋ ਗਿਆ ਹੈ। ਪੁਲਿਸ ਦੇ ਬੁਲਾਰੇ ਮੇਜਰ ਅਬਦਿਫਤਾਹ ਅਦੇਨ ਹਸਾ ਨੇ ਦੱਸਿਆ ਕਿ ਗਵਾਹਾਂ ਦੇ ਅਨੁਸਾਰ, ਧਮਾਕੇ ਤੋਂ ਬਾਅਦ ਗੋਲੀਬਾਰੀ ਹੋਈ।
ਦੂਜੇ ਪਾਸੇ ਅਲ-ਕਾਇਦਾ ਦੇ ਸਹਿਯੋਗੀ ਅਲ-ਸ਼ਬਾਬ ਨੇ ਆਪਣੇ ਰੇਡੀਓ ਰਾਹੀਂ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ। ਹਮਲੇ ਤੋਂ ਬਾਅਦ ਉਸ ਦੇ ਲੜਾਕੇ ਨੇ ਹੋਟਲ ਦੇ ਕੋਲ ਆਪਣੇ ਆਪ ਨੂੰ ਉਡਾ ਲਿਆ। ਇੱਕ ਗਵਾਹ ਮੁਹੰਮਦ ਮੁਅਲਿਮ ਨੇ ਦੱਸਿਆ ਕਿ ਉਸ ਨੇ ਇੱਕ ਹਮਲਾਵਰ ਨੂੰ ਵਿਸਫੋਟਕਾਂ ਨਾਲ ਭਰੀ ਜੈਕਟ ਪਹਿਨੇ ਹੋਏ ਦੇਖਿਆ, ਜਿਸ ਨੇ ਕੁਝ ਹੀ ਦੇਰ ਬਾਅਦ ਹੋਟਲ ਦੇ ਨੇੜੇ ਆਪਣੇ ਆਪ ਨੂੰ ਉਡਾ ਲਿਆ। ਮੋਆਲਿਮ ਨੇ ਦੱਸਿਆ ਕਿ ਹੋਟਲ ‘ਚ ਉਸ ਦੇ ਨਾਲ ਮੌਜੂਦ ਉਸ ਦੇ ਕੁਝ ਸਾਥੀ ਵੀ ਮਾਰੇ ਗਏ ਅਤੇ ਹੋਰ ਜ਼ਖਮੀ ਹੋ ਗਏ। ਲਿਡੋ ਬੀਚ ਨੂੰ ਵੀ ਪਹਿਲਾਂ ਅਲ-ਸ਼ਬਾਬ ਨਾਲ ਜੁੜੇ ਅੱਤਵਾਦੀਆਂ ਦੁਆਰਾ ਨਿਸ਼ਾਨਾ ਬਣਾਇਆ ਗਿਆ ਸੀ। ਪਿਛਲੇ ਸਾਲ ਇਸ ਹਮਲੇ ਵਿੱਚ ਨੌਂ ਲੋਕ ਮਾਰੇ ਗਏ ਸਨ।
