ਇੰਫਾਲ, 29 ਮਾਰਚ,ਬੋਲੇ ਪੰਜਾਬ ਬਿਊਰੋ :
ਮਨੀਪੁਰ ਦੇ ਨੋਨੀ ਜ਼ਿਲ੍ਹੇ ‘ਚ ਅੱਜ ਸ਼ਨੀਵਾਰ ਨੂੰ 3.8 ਤੀਬਰਤਾ ਵਾਲੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ।ਨੈਸ਼ਨਲ ਸੈਂਟਰ ਫਾਰ ਸੀਸਮੋਲੋਜੀ (ਐਨਸੀਐਸ) ਦੇ ਅਨੁਸਾਰ, ਇਹ ਭੂਚਾਲ ਦੁਪਹਿਰ 2:31 ਵਜੇ ਆਇਆ, ਜਿਸਦਾ ਕੇਂਦਰ ਨੋਨੀ ਜ਼ਿਲ੍ਹੇ ਵਿੱਚ ਸੀ। ਭੂ ਮਾਹਰਾਂ ਨੇ ਦੱਸਿਆ ਕਿ ਇਸਦਾ ਕੇਂਦਰ ਧਰਤੀ ‘ਚ 10 ਕਿਲੋਮੀਟਰ ਦੀ ਡੂੰਘਾਈ ’ਤੇ ਸੀ।
ਇਸ ਹਲਚਲ ਦੇ ਨਾਲ ਹੀ, ਲੋਕਾਂ ’ਚ ਇਕ ਬੇਚੈਨੀ ਦਿਖਾਈ ਦਿੱਤੀ, ਪਰ ਹਾਲਾਤ ਨਿਯੰਤਰਣ ’ਚ ਹਨ। ਅਧਿਕਾਰੀ ਪੂਰੀ ਤਰੀਕੇ ਨਾਲ ਨਿਗਰਾਨੀ ਕਰ ਰਹੇ ਹਨ। ਕਿਸੇ ਵੀ ਜਾਨੀ ਜਾਂ ਮਾਲੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ।
