ਬਠਿੰਡਾ, 26 ਮਾਰਚ,ਬੋਲੇ ਪੰਜਾਬ ਬਿਊਰੋ :
ਬਠਿੰਡਾ ਜ਼ਿਲ੍ਹੇ ਵਿੱਚ ਆਈਲੈਟਸ ਸੈਂਟਰਾਂ ਖ਼ਿਲਾਫ਼ ਵੱਡੀ ਕਾਰਵਾਈ ਕੀਤੀ ਗਈ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਜ਼ਿਲ੍ਹਾ ਮੈਜਿਸਟਰੇਟ ਸ਼ੌਕਤ ਅਹਿਮਦ ਪਰੇ ਨੇ ਪੰਜਾਬ ਮਨੁੱਖੀ ਤਸਕਰੀ ਰੋਕੂ ਕਾਨੂੰਨ 2012 (ਜਿਵੇਂ ਸੋਧਿਆ ਹੋਇਆ ਟ੍ਰੈਵਲ ਪ੍ਰੋਫੈਸ਼ਨਲ ਰੈਗੂਲੇਸ਼ਨ) ਦੁਆਰਾ ਜਾਰੀ ਪੰਜਾਬ ਮਨੁੱਖੀ ਤਸਕਰੀ ਨਿਯਮ 2013 ਤਹਿਤ ਬਿਨੈਕਾਰਾਂ ਦੀ ਬੇਨਤੀ ਦੇ ਆਧਾਰ ‘ਤੇ 2 ਆਈਲੈਟਸ ਕੇਂਦਰਾਂ ਦੇ ਲਾਇਸੈਂਸ ਰੱਦ ਕਰ ਦਿੱਤੇ ਹਨ। ਜਾਰੀ ਹੁਕਮਾਂ ਅਨੁਸਾਰ 30.10.2018 ਨੂੰ ਜਾਰੀ ਬਠਿੰਡਾ ਕੋਚਿੰਗ ਇੰਸਟੀਚਿਊਟ ਆਈਲੈਟਸ ਦਾ ਲਾਇਸੈਂਸ ਨੰਬਰ, ਜਿਸ ਨੂੰ ਵਿਸ਼ਾਲ ਕੁਮਾਰ ਪੁੱਤਰ ਰਾਮ ਬਾਬੂ ਵਾਸੀ ਬਠਿੰਡਾ ਚਲਾ ਰਿਹਾ ਸੀ, ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
ਇਹ ਆਈਲੈਟਸ ਸੈਂਟਰ ਐਮ/ਐਸ ਸਕੂਲ ਆਫ਼ ਇੰਗਲਿਸ਼ ਅਚੀਵਰਜ਼, 100 ਫੀਟ ਰੋਡ, ਗਲੀ ਨੰਬਰ 22-ਏ, ਘੋਰੇਵਾਲਾ ਚੌਕ, ਬਠਿੰਡਾ ਵਿਖੇ ਸਥਿਤ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਨਵਿਆਉਣ ਤੋਂ ਬਾਅਦ ਇਸ ਦੀ ਵੈਧਤਾ 31-10-2028 ਤੱਕ ਸੀ। ਇਸੇ ਤਰ੍ਹਾਂ, ਹੁਕਮਾਂ ਅਨੁਸਾਰ, ਕੰਸਲਟੈਂਸੀ ਲਾਇਸੰਸ ਨੰਬਰ ਹਰਬਿੰਦਰ ਕੁਮਾਰ ਪੁੱਤਰ ਓਮ ਪ੍ਰਕਾਸ਼ ਜਿੰਦਲ ਵਾਸੀ ਬਠਿੰਡਾ ਨੂੰ ਮੈਸਰਜ਼ ਇੰਟਰਨੈਸ਼ਨਲ ਓਵਰਸੀਜ਼ ਸ਼ਕਤੀ ਮਾਰਬਲ ਬਰਨਾਲਾ ਬਾਈਪਾਸ ਰੋਡ ਗਣਪਤੀ ਗੈਸਟ ਹਾਊਸ ਦੇ ਸਾਹਮਣੇ, ਬਠਿੰਡਾ ਵੱਲੋਂ ਮਿਤੀ 25-01-2021 ਨੂੰ ਜਾਰੀ ਕੀਤਾ ਗਿਆ ਸੀ, ਜੋ ਕਿ 24-01-2026 ਤੱਕ ਵੈਧ ਹੈ। ਹੁਕਮਾਂ ਅਨੁਸਾਰ ਦੋਵਾਂ ਪਟੀਸ਼ਨਰਾਂ ਨੇ ਲਿਖਤੀ ਰੂਪ ਵਿੱਚ ਮੰਗ ਕੀਤੀ ਹੈ ਕਿ ਉਨ੍ਹਾਂ ਨੇ ਆਪਣਾ ਕੰਮ ਬੰਦ ਕਰ ਦਿੱਤਾ ਹੈ ਅਤੇ ਉਨ੍ਹਾਂ ਦੇ ਲਾਇਸੈਂਸ ਰੱਦ ਕੀਤੇ ਜਾਣ।
