ਚੰਡੀਗੜ੍ਹ 5 ਮਾਰਚ ,ਬੋਲੇ ਪੰਜਾਬ ਬਿਊਰੋ :
ਮੰਗਲਵਾਰ ਰਾਤ ਚੰਡੀਗੜ੍ਹ ਦੇ ਇੰਡਸਟਰੀਅਲ ਏਰੀਆ ‘ਚ ਐਲਾਂਟੇ ਮਾਲ ਦੀ ਬੇਸਮੈਂਟ ਪਾਰਕਿੰਗ ‘ਚ ਗੋਲੀਬਾਰੀ ਹੋਣ ਕਾਰਨ ਉਥੇ ਮੌਜੂਦ ਲੋਕ ਡਰ ਗਏ ਅਤੇ ਇਧਰ-ਉਧਰ ਭੱਜਣ ਲੱਗੇ। ਸੂਚਨਾ ਮਿਲਦੇ ਹੀ ਮੌਕੇ ‘ਤੇ ਪਹੁੰਚੀ ਪੁਲਸ ਨੇ ਮਾਹੌਲ ਨੂੰ ਸ਼ਾਂਤ ਕਰਵਾਇਆ ਅਤੇ ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਗੋਲੀ ਨੈਕਸਾ ਕੰਪਨੀ ਦੇ ਵਾਲਿਟ ਕਰਮਚਾਰੀ ਵਲੋਂ ਚਲਾਈ ਗਈ ਸੀ।
ਗੋਲੀ ਪਹਿਲਾਂ ਫਾਰਚੂਨਰ ਕਾਰ ਦੀ ਖਿੜਕੀ ‘ਚੋਂ ਲੰਘੀ ਅਤੇ ਫਿਰ ਨੇੜੇ ਖੜ੍ਹੀ ਵੋਲਵੋ ਕਾਰ ਦੀ ਖਿੜਕੀ ‘ਚ ਜਾ ਵੱਜੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਨੇ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।ਮੁਹਾਲੀ ਵਾਸੀ ਚਰਨਜੀਤ ਸਿੰਘ ਨੇ ਪੁਲੀਸ ਨੂੰ ਦੱਸਿਆ ਕਿ ਉਹ ਆਪਣੇ ਦੋਸਤ ਨਾਲ ਏਲਾਂਟੇ ਮਾਲ ਸਥਿਤ ਨੈਕਸਾ ਕੰਪਨੀ ਵਿੱਚ ਕਾਰ ਖਰੀਦਣ ਆਇਆ ਸੀ। ਉਸ ਨੇ ਆਪਣੀ ਫਾਰਚੂਨਰ ਕਾਰ ਨੈਕਸਾ ਕੰਪਨੀ ਦੇ ਵਾਲਿਟ ਮੁਲਾਜ਼ਮ ਸਾਹਿਲ (ਵਾਸੀ ਰਾਮਦਰਬਾਰ) ਨੂੰ ਪਾਰਕਿੰਗ ਲਈ ਦਿੱਤੀ ਸੀ।
ਬਾਅਦ ਵਿੱਚ ਜਦੋਂ ਸਾਹਿਲ ਕਾਰ ਲੈਣ ਗਿਆ ਤਾਂ ਉਸ ਨੇ ਕਾਰ ਵਿੱਚ ਪਹਿਲਾਂ ਤੋਂ ਪਿਆ ਪਿਸਤੌਲ ਚੁੱਕ ਲਿਆ। ਇਸ ਦੌਰਾਨ ਉਸ ਨੇ ਟਰਿੱਗਰ ਦਬਾ ਦਿੱਤਾ ਅਤੇ ਗੋਲੀ ਚੱਲ ਗਈ। ਗੋਲੀ ਪਹਿਲਾਂ ਫਾਰਚੂਨਰ ਕਾਰ ਦੀ ਖਿੜਕੀ ‘ਚੋਂ ਨਿਕਲੀ ਅਤੇ ਫਿਰ ਨੇੜੇ ਖੜ੍ਹੀ ਵੋਲਵੋ ਕਾਰ ‘ਚ ਜਾ ਵੱਜੀ।
ਗੋਲੀ ਚੱਲਣ ਦੀ ਆਵਾਜ਼ ਸੁਣ ਕੇ ਮੌਕੇ ‘ਤੇ ਹਫੜਾ-ਦਫੜੀ ਮਚ ਗਈ। ਸਾਹਿਲ ਨੇ ਤੁਰੰਤ ਕੰਪਨੀ ਮਾਲਕ ਨੂੰ ਸੂਚਿਤ ਕੀਤਾ, ਜਿਸ ਨੇ ਉਸ ਨੂੰ ਪੁਲਸ ਨੂੰ ਸੂਚਿਤ ਕਰਨ ਲਈ ਕਿਹਾ। ਇਸ ਤੋਂ ਬਾਅਦ ਸਾਹਿਲ ਨੇ ਖੁਦ ਪੁਲਸ ਨੂੰ ਫੋਨ ਕਰਕੇ ਘਟਨਾ ਦੀ ਜਾਣਕਾਰੀ ਦਿੱਤੀ।ਸੂਚਨਾ ਮਿਲਦੇ ਹੀ ਡੀਐਸਪੀ ਦਿਲਬਾਗ ਸਿੰਘ, ਇੰਡਸਟਰੀਅਲ ਏਰੀਆ ਥਾਣੇ ਦੇ ਇੰਚਾਰਜ ਜਸਪਾਲ ਸਿੰਘ ਅਤੇ ਸੈਕਟਰ-26 ਥਾਣੇ ਦੇ ਇੰਚਾਰਜ ਦਵਿੰਦਰ ਸਿੰਘ ਮੌਕੇ ’ਤੇ ਪੁੱਜੇ। ਫੋਰੈਂਸਿਕ ਟੀਮ ਨੇ ਮੌਕੇ ਤੋਂ ਗੋਲੀ ਦਾ ਖੋਲ ਬਰਾਮਦ ਕਰ ਲਿਆ। ਜਾਂਚ ਤੋਂ ਪਤਾ ਲੱਗਾ ਕਿ ਪਿਸਤੌਲ ਫਾਰਚੂਨਰ ਡਰਾਈਵਰ ਚਰਨਜੀਤ ਸਿੰਘ ਦਾ ਹੈ, ਜਿਸ ਕੋਲ ਆਲ ਇੰਡੀਆ ਲਾਇਸੈਂਸ ਵੀ ਹੈ
