ਮੁੰਬਈ, 13 ਜਨਵਰੀ, ਬੋਲੇ ਪੰਜਾਬ ਬਿਊਰੋ :
ਮਹਾਰਾਸ਼ਟਰ ਦੇ ਨਾਸਿਕ ਵਿਖੇ ਐਤਵਾਰ ਰਾਤ ਲਗਭਗ 7 ਵਜੇ ਇੱਕ ਪਿਕਅੱਪ ਗੱਡੀ ਲੋਹੇ ਦੀਆਂ ਰਾਡਾਂ ਨਾਲ ਭਰੀ ਆਈਸ਼ਰ ਗੱਡੀ ਨਾਲ ਟਕਰਾਅ ਗਈ। ਇਸ ਘਟਨਾ ਵਿੱਚ ਪਿਕਅੱਪ ਵਿੱਚ ਸਵਾਰ 6 ਲੋਕਾਂ ਦੀ ਮੌਤ ਹੋ ਗਈ। 5 ਲੋਕ ਜਖਮੀ ਹਨ, ਜਿਨ੍ਹਾਂ ਵਿੱਚੋਂ ਦੋ ਦੀ ਹਾਲਤ ਗੰਭੀਰ ਹੈ। ਉਨ੍ਹਾਂ ਨੂੰ ਨੇੜਲੇ ਹਸਪਤਾਲਾਂ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਪੁਲਿਸ ਅਨੁਸਾਰ ਹਾਦਸਾ ਨਾਸਿਕ-ਮੁੰਬਈ ਹਾਈਵੇ ’ਤੇ ਹੋਇਆ। ਪਿਕਅੱਪ ਵਿੱਚ 16 ਲੋਕ ਸਵਾਰ ਸਨ। ਇਹ ਸਾਰੇ ਨਿਫਾ਼ਡ ਵਿੱਚ ਆਯੋਜਿਤ ਧਾਰਮਿਕ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋ ਕੇ ਸਿਡਕੋ ਵਾਪਸ ਆ ਰਹੇ ਸਨ।
ਪੁਲਿਸ ਨੇ ਦੱਸਿਆ ਕਿ ਜਦ ਗੱਡੀ ਅਯੱਪਾ ਮੰਦਰ ਦੇ ਕੋਲ ਪਹੁੰਚੀ,ਤਾਂ ਸਤੁੰਲਨ ਗੁਆ ਦਿੱਤਾ। ਇਸ ਤੋਂ ਬਾਅਦ ਗੱਡੀ ਲੋਹੇ ਦੀਆਂ ਰਾਡਾਂ ਨਾਲ ਭਰੀ ਆਈਸ਼ਰ ਗੱਡੀ ਵਿੱਚ ਪਿੱਛੇ ਤੋਂ ਟਕਰਾਅ ਗਈ।
