ਚੰਡੀਗੜ੍ਹ, 5 ਜਨਵਰੀ, ਬੋਲੇ ਪੰਜਾਬ ਬਿਊਰੋ :
ਚੰਡੀਗੜ੍ਹ ਨੂੰ “ਚਾਲਾਨਗੜ੍ਹ” ਕਹਿਣਾ ਗਲਤ ਨਹੀਂ ਹੋਵੇਗਾ, ਕਿਉਂਕਿ ਸ਼ਹਿਰ ਵਿੱਚ ਟ੍ਰੈਫਿਕ ਪੁਲਿਸ ਵੱਲੋਂ ਸਾਲ 2024 ਦੌਰਾਨ ਰਿਕਾਰਡ ਤੋੜ ਵਾਹਨ ਚਾਲਕਾਂ ਦੇ ਚਾਲਾਨ ਕੱਟੇ ਗਏ ਹਨ। ਸ਼ਹਿਰ ਵਿੱਚ ਵਾਹਨ ਚਾਲਕਾਂ ਦੀ ਛੋਟੀ ਤੋਂ ਛੋਟੀ ਗਲਤੀ ਵੀ ਸੀਸੀਟੀਵੀ ਕੈਮਰਿਆਂ ਵਿੱਚ ਕੈਦ ਹੋ ਜਾਂਦੀ ਹੈ। ਇਸ ਕਾਰਨ ਟ੍ਰੈਫਿਕ ਪੁਲਿਸ ਵਾਹਨ ਚਾਲਕਾਂ ਦੇ ਚਾਲਾਨ ਕੱਟ ਰਹੀ ਹੈ।
ਟ੍ਰੈਫਿਕ ਪੁਲਿਸ ਵੱਲੋਂ ਕੀਤੇ ਗਏ ਚਾਲਾਨਾਂ ਦੇ ਅੰਕੜੇ ਦੇਖੀਏ ਤਾਂ 1 ਜਨਵਰੀ 2024 ਤੋਂ 31 ਦਸੰਬਰ ਤੱਕ 985451 ਚਾਲਾਨ ਕੀਤੇ ਗਏ ਹਨ। ਇਸ ਵਾਰ ਚਾਲਾਨਾਂ ਤੋਂ ਹੋਈ ਕਮਾਈ 23.03 ਕਰੋੜ ਰੁਪਏ ਤੱਕ ਪਹੁੰਚ ਗਈ।
ਸਾਲ 2023 ਵਿੱਚ ਪੁਲਿਸ ਨੇ 9 ਲੱਖ 55 ਹਜ਼ਾਰ 487 ਵਾਹਨ ਚਾਲਕਾਂ ਦੇ ਚਾਲਾਨ ਕੀਤੇ ਸਨ ਅਤੇ ਚਾਲਕਾਂ ਤੋਂ 10 ਕਰੋੜ 40 ਲੱਖ 14 ਹਜ਼ਾਰ 753 ਰੁਪਏ ਦੀ ਆਮਦਨ ਹੋਈ ਸੀ।
ਸਾਲ 2022 ਵਿੱਚ ਪੁਲਿਸ ਨੇ 6.02 ਲੱਖ 454 ਵਾਹਨ ਚਾਲਕਾਂ ਦੇ ਚਾਲਾਨ ਕੱਟ ਕੇ 11 ਕਰੋੜ 13 ਲੱਖ 7 ਹਜ਼ਾਰ 708 ਰੁਪਏ ਸਰਕਾਰੀ ਖਾਤੇ ਵਿੱਚ ਜਮਾ ਕਰਵਾਏ ਸਨ।
ਸਾਲ 2021 ਵਿੱਚ ਟ੍ਰੈਫਿਕ ਪੁਲਿਸ ਨੇ 2 ਲੱਖ 32 ਹਜ਼ਾਰ 319 ਚਾਲਾਨ ਕੀਤੇ ਸਨ। ਇਸ ਨਾਲ 12 ਕਰੋੜ 51 ਲੱਖ 78 ਹਜ਼ਾਰ 578 ਰੁਪਏ ਦੀ ਆਮਦਨ ਹੋਈ ਸੀ।
