ਸੁਨਿਆਰੇ ਦੀ ਦੁਕਾਨ ‘ਚ ਸਿਲੰਡਰ ਫਟਿਆ, ਫੈਲੀ ਦਹਿਸ਼ਤ
ਸਮਰਾਲਾ, 17 ਨਵੰਬਰ,ਬੋਲੇ ਪੰਜਾਬ ਬਿਊਰੋ :
ਸਥਾਨਕ ਗੁਰੂ ਨਾਨਕ ਰੋਡ ’ਤੇ ਸਥਿਤ ਪ੍ਰਦੀਪ ਜਵੈਲਰ ਵਿਖੇ ਸ਼ਨੀਵਾਰ ਰਾਤ ਇੱਕ ਛੋਟਾ ਗੈਸ ਸਿਲੰਡਰ ਫਟ ਗਿਆ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਆਸ-ਪਾਸ ਦੇ ਦੁਕਾਨਦਾਰਾਂ ‘ਚ ਦਹਿਸ਼ਤ ਫੈਲ ਗਈ ਅਤੇ ਸਾਰੇ ਦੁਕਾਨਦਾਰ ਡਰਦੇ ਆਪਣੀਆਂ ਦੁਕਾਨਾਂ ਤੋਂ ਬਾਹਰ ਆ ਗਏ।
ਹਾਲਾਂਕਿ ਇਸ ਹਾਦਸੇ ‘ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਪਰ ਸਿਲੰਡਰ ਫਟਣ ਤੋਂ ਬਾਅਦ ਹੋਏ ਧਮਾਕੇ ਕਾਰਨ ਇਸ ਜਿਊਲਰਜ਼ ਦੀ ਦੁਕਾਨ ਦੀਆਂ ਸਾਰੀਆਂ ਫਿਟਿੰਗਾਂ ਅਤੇ ਸ਼ੀਸ਼ੇ ਟੁੱਟ ਗਏ, ਜਿਸ ਕਾਰਨ ਭਾਰੀ ਮਾਲੀ ਨੁਕਸਾਨ ਹੋਇਆ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਗਹਿਣਿਆਂ ਦੀ ਦੁਕਾਨ ਦੇ ਮਾਲਕ ਗੁਰਸੇਵਕ ਸਿੰਘ ਪੁੱਤਰ ਗੁਰਸੇਵਕ ਸਿੰਘ ਸ਼ਾਮ ਕਰੀਬ 6.30 ਵਜੇ ਆਪਣੀ ਦੁਕਾਨ ਅੰਦਰ ਬੈਠਾ ਕੁਝ ਗਹਿਣੇ ਰਿਪੇਅਰ ਕਰ ਰਿਹਾ ਸੀ। ਜਿਵੇਂ ਹੀ ਉਸਨੇ ਗਹਿਣਿਆਂ ਦੀ ਮੁਰੰਮਤ ਕਰਨ ਲਈ ਗੈਸ ਸਿਲੰਡਰ ਦੀ ਵਰਤੋਂ ਕੀਤੀ ਤਾਂ ਸਿਲੰਡਰ ਅਚਾਨਕ ਫਟ ਗਿਆ। ਗੁਰਸੇਵਕ ਸਿੰਘ ਖੁਸ਼ਕਿਸਮਤ ਸੀ ਕਿ ਉਹ ਤੇਜ਼ੀ ਨਾਲ ਦੁਕਾਨ ਤੋਂ ਬਾਹਰ ਨਿਕਲਿਆ ਅਤੇ ਉਸ ਨੂੰ ਕੋਈ ਸੱਟ ਨਹੀਂ ਲੱਗੀ।
