ਤੇਜ਼ ਰਫ਼ਤਾਰ ਟਰੱਕ ਨੇ ਮਾਰੀ ਟੱਕਰ, ਤਿੰਨ ਕਿਸਾਨਾਂ ਦੀ ਮੌਤ
ਲਖਨਊ, 12 ਅਕਤੂਬਰ,ਬੋਲੇ ਪੰਜਾਬ ਬਿਊਰੋ :
ਉੱਤਰ ਪ੍ਰਦੇਸ਼ ਦੇ ਮੈਨਪੁਰੀ ‘ਚ NH-34 ‘ਤੇ ਅੱਜ ਸ਼ਨੀਵਾਰ ਨੂੰ ਰਾਸ਼ਨ ਲੈਣ ਜਾ ਰਹੇ ਤਿੰਨ ਕਿਸਾਨਾਂ ਨੂੰ ਇਕ ਟਰੱਕ ਨੇ ਟੱਕਰ ਮਾਰ ਦਿੱਤੀ। ਹਾਦਸੇ ‘ਚ ਦੋ ਕਿਸਾਨਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਤੀਜੇ ਦੀ ਜ਼ਿਲ੍ਹਾ ਹਸਪਤਾਲ ਵਿੱਚ ਮੌਤ ਹੋ ਗਈ। ਘਟਨਾ ਤੋਂ ਗੁੱਸੇ ‘ਚ ਆਏ ਪਿੰਡ ਵਾਸੀਆਂ ਨੇ ਭੋਗਾਂ ਨਵੀਗੰਜ ਰੋਡ ‘ਤੇ ਜਾਮ ਲਗਾ ਦਿੱਤਾ। ਲਗਪਗ ਇਕ ਘੰਟੇ ਬਾਅਦ ਜਾਮ ਖੁੱਲ੍ਹ ਸਕਿਆ।
ਇਸ ਤੋਂ ਬਾਅਦ ਪੁਲਿਸ ਨੇ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ।ਬੇਵਰ ਥਾਣਾ ਖੇਤਰ ਦੇ ਪਿੰਡ ਖੰਕੇਤਲ ਦੇ ਵਾਸੀ ਕਿਸਾਨ ਵਿਨੋਦ ਕੁਮਾਰ (45), ਖੇਮਕਰਨ (45) ਅਤੇ ਸਿੰਘ ਲਾਲ ਸ਼ਾਕਿਆ (45) ਰਾਸ਼ਨ ਲੈਣ ਲਈ ਅੱਜ ਸ਼ਨੀਵਾਰ ਸਵੇਰੇ ਕਰੀਬ 6:30 ਵਜੇ ਆਪਣੇ ਸਾਈਕਲਾਂ ‘ਤੇ ਨਗਲਾ ਕੇਹੜੀ ਲਈ ਰਵਾਨਾ ਹੋਏ ਸਨ। ਜਦੋਂ ਤਿੰਨੋਂ NH 34 ਬਾਈਪਾਸ ‘ਤੇ ਵਿਦਿਆ ਦੇਸ਼ ਕੋਲਡ ਸਟੋਰ ਦੇ ਸਾਹਮਣੇ ਪਹੁੰਚੇ। ਉਦੋਂ ਭੋਗਾਂਵ ਤੋਂ ਆ ਰਹੇ ਟਰੱਕ ਨੇ ਸਾਈਕਲ ਸਵਾਰ ਕਿਸਾਨਾਂ ਨੂੰ ਟੱਕਰ ਮਾਰ ਦਿੱਤੀ। ਟਰੱਕ ਦੀ ਲਪੇਟ ‘ਚ ਆਉਣ ਨਾਲ ਖੇਮਕਰਨ ਅਤੇ ਵਿਨੋਦ ਕੁਮਾਰ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਸਿੰਘ ਲਾਲ ਗੰਭੀਰ ਜ਼ਖ਼ਮੀ ਹੋ ਗਿਆ ਜਿਸਨੇ ਹਸਪਤਾਲ ਵਿੱਚ ਦਮ ਤੋੜ ਦਿੱਤਾ।
