ਪੈਰਿਸ ਪੈਰਾਲੰਪਿਕ ‘ਚ ਧਰਮਬੀਰ ਅਤੇ ਪ੍ਰਣਵ ਨੇ ਚਮਕਾਇਆ ਦੇਸ਼ ਦਾ ਨਾਂ, ਸੋਨਾ ਤੇ ਚਾਂਦੀ ਦੇ ਤਗ਼ਮੇ ਜਿੱਤੇ
ਪੈਰਿਸ, 5 ਸਤੰਬਰ,ਬੋਲੇ ਪੰਜਾਬ ਬਿਊਰੋ :
ਪੈਰਿਸ ਪੈਰਾਲੰਪਿਕ 2024 ਵਿੱਚ ਪੁਰਸ਼ਾਂ ਦਾ ਕਲੱਬ ਥਰੋਅ ਈਵੈਂਟ ਭਾਰਤ ਲਈ ਸ਼ਾਨਦਾਰ ਈਵੈਂਟ ਸੀ। ਧਰਮਬੀਰ ਅਤੇ ਪ੍ਰਣਵ ਸੁਰਮਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਇੱਕੋ ਈਵੈਂਟ ਵਿੱਚ ਭਾਰਤ ਲਈ ਦੋ ਤਗਮੇ ਜਿੱਤੇ। ਧਰਮਬੀਰ ਨੇ ਪੁਰਸ਼ਾਂ ਦੇ ਕਲੱਬ ਥਰੋਅ F51 ਫਾਈਨਲ ਵਿੱਚ ਭਾਰਤ ਲਈ ਸੋਨ ਤਮਗਾ ਜਿੱਤਿਆ। ਇਸ ਈਵੈਂਟ ਵਿੱਚ ਪ੍ਰਣਵ ਸੁਰਮਾ ਨੇ ਚਾਂਦੀ ਦਾ ਤਗ਼ਮਾ ਜਿੱਤਿਆ ਹੈ। ਇਸ ਨਾਲ ਭਾਰਤ ਦੇ ਹੁਣ 24 ਮੈਡਲ ਹੋ ਗਏ ਹਨ। ਜਦੋਂ ਕਿ ਇਸ ਈਵੈਂਟ ਵਿੱਚ ਸਰਬੀਆ ਦੇ ਜੇਲਕੋ ਦਿਮਿਤਰੀਜੇਵਿਕ ਨੇ ਕਾਂਸੀ ਦਾ ਤਗ਼ਮਾ ਜਿੱਤਿਆ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪੈਰਾਲੰਪਿਕ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਗੋਲਡ ਅਤੇ ਸਿਲਵਰ ਮੈਡਲ ਤੇ ਕਬਜ਼ਾ ਕਰਨ ਵਾਲੇ ਖਿਡਾਰੀ ਧਰਮਬੀਰ ਸਿੰਘ ਅਤੇ ਪ੍ਰਣਵ ਸੁਰਮਾ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਐਕਸ ‘ਤੇ ਲਿਖਿਆ ਕਿ- ਬੇਮਿਸਾਲ ਧਰਮਬੀਰ ਨੇ ਇਤਿਹਾਸ ਰਚਿਆ ਕਿਉਂਕਿ ਉਸਨੇ ਪੈਰਾਲੰਪਿਕ ਵਿੱਚ ਪੁਰਸ਼ਾਂ ਦੇ ਕਲੱਬ ਥਰੋਅ F51 ਈਵੈਂਟ ਵਿੱਚ ਭਾਰਤ ਦਾ ਪਹਿਲਾ ਪੈਰਾਲੰਪਿਕ ਗੋਲਡ ਜਿੱਤਿਆ! ਭਾਰਤ ਇਸ ਕਾਰਨਾਮੇ ਤੋਂ ਬਹੁਤ ਖੁਸ਼ ਹੈ। PM ਮੋਦੀ ਨੇ ਪ੍ਰਣਵ ਨੂੰ ਵਧਾਈ ਦਿੰਦਿਆਂ ਲਿਖਿਆ- ਪੈਰਾਲੰਪਿਕ ਵਿੱਚ ਪ੍ਰਣਵ ਸੂਰਮਾ ਦੀ ਸਫਲਤਾ ਅਣਗਿਣਤ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰੇਗੀ। ਉਸ ਦੀ ਲਗਨ ਅਤੇ ਦ੍ਰਿੜਤਾ ਸ਼ਲਾਘਾਯੋਗ ਹੈ।
