ਚੰਡੀਗੜ੍ਹ, 25ਮਈ,ਬੋਲੇ ਪੰਜਾਬ ਬਿਓਰੋ: ਰੇਲਵੇ ਇਲੈਕਟ੍ਰਿਕ ਇੰਜਣਾਂ ਵੱਲ ਤੇਜ਼ੀ ਨਾਲ ਕੰਮ ਕਰ ਰਿਹਾ ਹੈ। ਹੌਲੀ-ਹੌਲੀ ਹੁਣ ਰੇਲ ਗੱਡੀਆਂ ਡੀਜ਼ਲ ਇੰਜਣਾਂ ਦੀ ਬਜਾਏ ਇਲੈਕਟ੍ਰਿਕ ਇੰਜਣਾਂ ਨਾਲ ਚੱਲਣ ਲੱਗ ਪਈਆਂ ਹਨ। ਇਸ ਨਾਲ ਜਿੱਥੇ ਵਾਤਾਵਰਨ ਸਾਫ਼-ਸੁਥਰਾ ਰਹੇਗਾ, ਉੱਥੇ ਹੀ ਰੇਲ ਗੱਡੀਆਂ ਦੀ ਰਫ਼ਤਾਰ ਵੀ ਵਧੇਗੀ। ਰੇਲਵੇ ਨੇ ਸ਼ੁੱਕਰਵਾਰ ਨੂੰ ਲੁਧਿਆਣਾ-ਹਿਸਾਰ ਅਤੇ ਹਿਸਾਰ-ਭਿਵਾਨੀ ਟਰੇਨਾਂ ਨੂੰ ਇਲੈਕਟ੍ਰਿਕ ਇੰਜਣਾਂ ਨਾਲ ਚਲਾਇਆ।
ਸ਼ਨੀਵਾਰ ਨੂੰ ਵੀ ਹਿਸਾਰ-ਲੁਧਿਆਣਾ ਅਤੇ ਭਿਵਾਨੀ-ਹਿਸਾਰ ਰੇਲ ਗੱਡੀਆਂ ਇਲੈਕਟ੍ਰਿਕ ਇੰਜਣਾਂ ਨਾਲ ਚੱਲਣਗੀਆਂ। ਇਸ ਦੇ ਨਾਲ ਹੀ 26 ਮਈ ਨੂੰ ਲੁਧਿਆਣਾ-ਭਿਵਾਨੀ, ਭਿਵਾਨੀ-ਧੂਰੀ ਅਤੇ 27 ਮਈ ਨੂੰ ਧੂਰੀ-ਭਿਵਾਨੀ ਅਤੇ ਭਿਵਾਨੀ-ਲੁਧਿਆਣਾ ਰੇਲ ਗੱਡੀਆਂ ਵੀ ਇਲੈਕਟ੍ਰਿਕ ਇੰਜਣਾਂ ਨਾਲ ਚੱਲਣਗੀਆਂ। ਇਸ ਸਬੰਧੀ ਰੇਲਵੇ ਵੱਲੋਂ ਪੱਤਰ ਜਾਰੀ ਕਰ ਦਿੱਤਾ ਗਿਆ ਹੈ।
ਬੀਕਾਨੇਰ ਡਿਵੀਜ਼ਨ ਦੀਆਂ 86 ਟਰੇਨਾਂ ਇਲੈਕਟ੍ਰਿਕ ਇੰਜਣਾਂ ਨਾਲ ਚੱਲ ਰਹੀਆਂ ਹਨ। ਇਨ੍ਹਾਂ ਵਿੱਚੋਂ 34 ਟਰੇਨਾਂ ਹਿਸਾਰ ਤੋਂ ਚੱਲਦੀਆਂ ਹਨ ਅਤੇ ਲੰਘਦੀਆਂ ਹਨ। ਜਲਦੀ ਹੀ ਹੋਰ ਟਰੇਨਾਂ ਵੀ ਇਲੈਕਟ੍ਰਿਕ ਇੰਜਣਾਂ ਨਾਲ ਚਲਦੀਆਂ ਨਜ਼ਰ ਆਉਣਗੀਆਂ।
