ਚੰਡੀਗੜ੍ਹ, 8 ਮਈ, ਬੋਲੇ ਪੰਜਾਬ ਬਿਓਰੋ:
ਟ੍ਰਿਬਿਊਨ ਟਰੱਸਟ ਨੇ ਸੀਨੀਅਰ ਪੱਤਰਕਾਰ ਜੋਤੀ ਮਲਹੋਤਰਾ ਨੂੰ ਦਿ ਟ੍ਰਿਬਿਊਨ ਟਰੱਸਟ ਪਬਲਿਸ਼ਿੰਗ ਗਰੁੱਪ ਦਾ ਮੁੱਖ ਸੰਪਾਦਕ ਨਿਯੁਕਤ ਕੀਤਾ ਹੈ। ਉਹ 14 ਮਈ ਨੂੰ ਅਹੁਦਾ ਸੰਭਾਲਣਗੇ। ਸ਼੍ਰੀਮਤੀ ਮਲਹੋਤਰਾ ਕੋਲ ਪ੍ਰਿੰਟ, ਟੀਵੀ ਅਤੇ ਡਿਜੀਟਲ ਮੀਡੀਆ ਵਿੱਚ ਵਿਆਪਕ ਅਨੁਭਵ ਹੈ।
ਉਨ੍ਹਾਂ ਨੇ ਇੰਡੀਆ ਟੂਡੇ, ਇੰਡੀਅਨ ਐਕਸਪ੍ਰੈਸ, ਦਿ ਪ੍ਰਿੰਟ ਅਤੇ ਸਟਾਰ ਨਿਊਜ਼ ਵਰਗੀਆਂ ਵੱਖ-ਵੱਖ ਸਮਾਚਾਰ ਸੰਸਥਾਵਾਂ ਵਿੱਚ ਸੀਨੀਅਰ ਸੰਪਾਦਕੀ ਅਹੁਦਿਆਂ ‘ਤੇ ਕੰਮ ਕੀਤਾ ਹੈ। ਉਹ ਬੀਬੀਸੀ ਰੇਡੀਓ ਲਈ ਨਿਯਮਤ ਯੋਗਦਾਨ ਪਾਉਂਦੀ ਰਹੀ ਹੈ। ਉਸਨੇ ਪੂਰੇ ਭਾਰਤ ਦੇ ਨਾਲ-ਨਾਲ ਏਸ਼ੀਆਈ ਦੇਸ਼ਾਂ – ਖਾਸ ਤੌਰ ‘ਤੇ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਵਿੱਚ ਰਾਜਨੀਤੀ, ਕੂਟਨੀਤੀ ਅਤੇ ਸੱਭਿਆਚਾਰਕ ਸੰਬੰਧਾਂ ‘ਤੇ ਲਿਖਿਆ ਹੈ। ਉਹ ਰਾਜੇਸ਼ ਰਾਮਚੰਦਰਨ ਦੀ ਥਾਂ ਲੈਂਣਗੇ, ਜੋ ਪ੍ਰਮੁੱਖ ਅਖਬਾਰ ਵਿੱਚ ਛੇ ਸਾਲ ਦੇ ਕਾਰਜਕਾਲ ਤੋਂ ਬਾਅਦ ਅਹੁਦਾ ਛੱਡ ਰਹੇ ਹਨ।
