ਪੰਜਾਬ ਯੂਨੀਵਰਸਿਟੀ ਵਿਦਿਆਰਥੀ ਚੋਣਾਂ ਅੱਜ, 9 ਉਮੀਦਵਾਰਾਂ ਦੀ ਪ੍ਰਧਾਨਗੀ ਲਈ ਆਪਸ ਚ ਅਜਮਾਇਸ਼ ਹੈ।
ਯੂਨੀਵਰਸਿਟੀ ਵਿਦਿਆਰਥੀ ਕੌਂਸਲ ਵਿਚ ਪ੍ਰਧਾਨ ਦੇ ਅਹੁਦੇ ਲਈ ਅੱਜ ਚੋਣ ਹੋ ਰਹੀ ਹੈ। ਵਿਦਿਆਰਥੀ ਸੰਘ ਚੋਣਾਂ ਵਿਚ 9 ਉਮੀਦਵਾਰ ਪ੍ਰਧਾਨ ਬਣਨ ਦੀ ਦੌੜ ਵਿਚ ਹਨ।
ਪਿਛਲੀ ਵਾਰ ਜੇਤੂ ਰਹੀ ਵਿਦਿਆਰਥੀ ਯੁਵਾ ਸੰਘਰਸ਼ ਸਮਿਤੀ (ਸੀਵਾਈਐੱਸਐੱਸ) ਨੂੰ ਪ੍ਰਧਾਨ ਅਹੁਦੇ ’ਤੇ ਦਾਅਵੇਦਾਰੀ ਕਾਇਮ ਰੱਖਣ ਦੀ ਚੁਣੌਤੀ ਰਹੇਗੀ। ਸੀਵਾਈਐੱਸਐੱਸ ਨੇ ਪਿਛਲੇ ਸਾਲ ਕੀਤੇ 19 ਵਾਅਦਿਆਂ ਵਿੱਚੋਂ 10 ਨੂੰ ਪੂਰਾ ਕੀਤਾ ਹੈ। ਇਸ ਦੇ ਨਾਲ ਹੀ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ ਏਬੀਵੀਪੀ ਅਤੇ ਨੈਸ਼ਨਲ ਸਟੂਡੈਂਟ ਯੂਨੀਅਨ ਆਫ ਇੰਡੀਆ ਐੱਨਐੱਸਯੂਆਈ ਲਈ ਆਪਸੀ ਝਗੜਿਆਂ ਨੂੰ ਦੂਰ ਕਰ ਕੇ ਜਿੱਤਣਾ ਚੁਣੌਤੀ ਹੋਵੇਗੀ। ਏਬੀਵੀਪੀ ਕਈ ਧੜਿਆਂ ਵਿਚ ਟੁੱਟ ਕੇ ਐੱਨਐੱਸਯੂਆਈ ਜਾਂ ਆਜ਼ਾਦ ਚੋਣਾਂ ਲੜ ਰਹੀ ਹੈ। ਇਸੇ ਤਰ੍ਹਾਂ ਐੱਨਐੱਸਯੂਆਈ ਨੇ ਆਪਣੇ ਪੁਰਾਣੇ ਵਰਕਰਾਂ ਨੂੰ ਨਕਾਰਦਿਆਂ ਏਬੀਵੀਪੀ ਛੱਡ ਕੇ ਜਥੇਬੰਦੀ ਵਿਚ ਸ਼ਾਮਲ ਹੋਏ ਜਤਿਨ ਸਿੰਘ ’ਤੇ ਭਰੋਸਾ ਪ੍ਰਗਟਾਇਆ ਹੈ। ਐੱਨਐੱਸਯੂਆਈ ਸੱਤ ਧੜਿਆਂ ਵਿਚ ਵੰਡਿਆ ਹੋਇਆ ਹੈ, ਇਸ ਲਈ ਇਕ ਉਮੀਦਵਾਰ ਨੂੰ ਵੋਟ ਪਾਉਣਾ ਮੁਸ਼ਕਲ ਹੈ। ਇਸੇ ਤਰ੍ਹਾਂ ਚੋਣ ਮੈਦਾਨ ਵਿਚ ਕਿਸਮਤ ਅਜ਼ਮਾ ਰਹੀ ਪੁਸੁ, ਸੋਈ, ਐੱਸਐੱਫਐੱਸ ਵਿਦਿਆਰਥੀ ਸੰਗਠਨਾਂ ਨੂੰ ਪੰਜਾਬ ਤੇ ਕੇਂਦਰ ਦੇ ਮੁੱਦਿਆਂ ਦਾ ਅਸਰ ਵਿਦਿਆਰਥੀਆਂ ’ਤੇ ਦਿਖਾਉਣਾ ਹੋਵੇਗਾ।
26 ਅਗਸਤ ਤੋਂ ਚੱਲ ਰਹੀ ਵਿਦਿਆਰਥੀ ਸੰਘ ਦੀ ਚੋਣ ਮੁਹਿੰਮ ਲਈ ਸਾਰੀਆਂ ਵਿਦਿਆਰਥੀ ਜਥੇਬੰਦੀਆਂ ਨੇ ਆਪਣੀ ਪੂਰੀ ਵਾਹ ਲਾ ਦਿੱਤੀ ਹੈ। ਸੀਵਾਈਐੱਸਐੱਸ ਵਿਦਿਆਰਥੀ ਜਥੇਬੰਦੀ ਦੀ ਜਿੱਤ ਯਕੀਨੀ ਬਣਾਉਣ ਲਈ ਆਮ ਆਦਮੀ ਪਾਰਟੀ ਵੱਲੋਂ ਵਿਧਾਇਕ ਦਵਿੰਦਰਜੀਤ ਸਿੰਘ, ਪੰਜਾਬ ਯੂਥ ਵਿਕਾਸ ਕਮੇਟੀ ਪਰਵਿੰਦਰ ਗੋਲਡੀ, ਐੱਨਐਸਯੂਆਈ ਦੇ ਕਨ੍ਹਈਆ ਮਿੱਤਲ, ਕੌਮੀ ਸਕੱਤਰ ਨੀਰਜ ਕੁੰਦਨ ਪੰਜਾਬ, ਚੰਡੀਗੜ੍ਹ ਐੱਨਐੱਸਯੂਆਈ ਦੇ ਪ੍ਰਧਾਨ ਅਤੇ ਕਾਂਗਰਸ ਦੇ ਸੂਬਾ ਪ੍ਰਧਾਨ ਨਾਲ ਪੁੱਜੇ ਹਨ। ਇਸੇ ਤਰ੍ਹਾਂ ਉੱਤਰੀ ਖੇਤਰੀ ਸੰਗਠਨ ਮੰਤਰੀ ਵਿਜੇ ਪ੍ਰਤਾਪ, ਪੰਜਾਬ ਪ੍ਰਦੇਸ਼ ਸੰਗਠਨ ਪ੍ਰਧਾਨ ਰਾਜਨ ਭੰਡਾਰੀ, ਸੰਗਠਨ ਮੰਤਰੀ ਰਾਹੁਲ ਸ਼ਰਮਾ ਅਤੇ ਸੂਬਾ ਮੰਤਰੀ ਆਦਿਤਿਆ ਤਕਿਆਰ ਨੇ ਆ ਕੇ ਏਬੀਵੀਪੀ ਦੇ ਪ੍ਰਚਾਰ ਲਈ ਆਪਣੀ ਤਾਕਤ ਝੋਕੀ ਹੈ।
ਵਰਸਿਟੀ ਸਮੇਤ ਸ਼ਹਿਰ ਦੇ 11 ਕਾਲਜਾਂ ਵਿਚ ਅੱਜ ਵੋਟਾਂ ਪੈਣਗੀਆਂ ਅਤੇ ਸ਼ਾਮ ਨੂੰ ਹੀ ਨਤੀਜੇ ਐਲਾਨ ਦਿੱਤੇ ਜਾਣਗੇ।
